MADIWANI VITI MAALUMU UBUNGO WAWATEMBELEA WATOTO WALIOZALIWA JAN 01, 2024

Posted on: January 1st, 2024

Mapema Januari 01, 2024 madiwani wa viti maalumu Mhe. Hawa Abdulrahman pamoja na Mhe. Merry Mwamfupe Wametembelea hospital kwaajili ya kugawa zawadi zao za mwaka mpya kwa watoto waliozaliwa tarehe ya leo

Madiwani hao wametembelea hospitali ya wilaya ya Ubungo, kituo cha afya Palestina, kituo cha afya Makurumla pamoja na kituo cha afya Goba ambapo katika vituo vyote hivyo wamefanikiwa kugawa taulo za watoto 'Pampers' katika kusheherekea mwaka mpya 2024

Akiongea katika hafla hiyo Mhe. Hawa amewapongeza wazazi wote waliofanikiwa kujifungua tarehe ya leo na amewatakia heri watoto na wazazi wao"Imekuwa bahati kubwa kwenu nyie kupata watoto katika siku ya kwanza ya mwaka 2024, ni imani yetu watoto hawa watakua wema na watakuja kuleta mchango mkubwa kwa taifa letu" alisema Hawa

Madiwani hao walipokelewa na viongozi wa jumuiya ya wanawake wa Chama cha Mapinduzi UWT pamoja na madiwani wenyeji katika kata walizotembelea ambapo kwa kata ya Makurumla walipokelewa na diwani wa kata hiyo Mhe. Bakar Kimwanga, na Mhe. Raphael Awino Kwa upande wa kata ya Sinza