MADIWANI WASISITIZA UKAMILISHWAJI WA MIRADI KWA WAKATI

Posted on: August 12th, 2022

Baraza la Madiwani Manispaa ya Ubungo limetaka  kasi kubwa ielekezwe kwenye  ukamilishaji wa miradi ya maendeleo na ukusanyaji wa mapato ili   Halmashauri iendelee kupata hati Safi na kushika nafasi ya kwanza katika ukusanyaji wa mapato.

Hayo yamesemwa leo  tarehe 12/8/2022 kwenye mkutano wa kujadili utekelezaji wa shughuli za maendeleo kwa kipindi cha robo ya nne na kusisitiza kuwa mapato yakikusanywa kwa wingi miradi ya maendeleo itatekelezwa kwa kiasi kikubwa na kwa wakati na hivyo kuboresha huduma kwa wananchi.

Wajumbe wa baraza hilo waliendelea kusisitiza kubuni  vyanzo vipya vya mapato  kwa ajili ya kuongeza mapato  na kwa vile  vilivyopo Viendelee kusimamiwa  vizuri.Aidha, Wajumbe, waliisitiza Halmashauri kupitia wataalam wake na kamati ya Kudhibiti Ukimwi  waweze kusimamia vyema  bajeti yakusaidia  na kuwahudumia watu walioathirika na maambukizi ya UKIMWI

Nae, Mstahiki Meya Jaffari Nyaigesha  alisisitiza wananchi kushiriki katika zoezi la Sensa ya watu makazi linaloenda kufanyika tarehe 23 agosti,2022

Pia amewataka  wajumbe kushiriki katika tamasha la Sensa  ya Watu na Makazi kwa  Wilaya  ya Ubungo  litakalofanyika   Agosti 20,2022   katika viwanja vya Barafu - Mburahati