MAFUNZO ELEKEZI KUHUSU CHANJO YA SURUA RUBELA YATOLEWA

Posted on: February 14th, 2024

Mafunzo elekezi kwa watoa huduma ya chanjo ya Surua Rubella( wachanjaji na watunza takwimu)  kwa watoto wa umri kuanzia miezi 9 hadi umri chini ya miaka 5 inayoenda kuanza tarehe 15/2/2024  hadi tarehe 18/2/2024 yametolewa  tarehe 14 Februali, 2024 katika ukumbi wa Lapaz-Luguruni ikiwa ni kuwajengea uwezo wa utoaji wa chanjo hiyo

Lengo la chanjo hiyo ni kumlinda na kumkinga mtoto dhidi ya madhara yatokanayo na Surua Rubela

Akifungua mafunzo hayo Mganga Mkuu Manispaa ya Ubungo Dkt. Tulitweni Mwinuka amesema kuwa chanjo  hiyo inalenga kuwafikia watoto 124,000 kwa Wilaya ya Ubungo na  katika kila eneo ni muhimu watoto wanaolengwa kupatiwa chanjo hiyo wapatiwe

Mwinuka aliendelea kuwaasa wachanjaji kuhakikisha wanaendelea kuwapa elimu  walezi,mama na baba katika sehemu mtakazo pangiwa kutoa chanjo hiyo ili kuwajengea uelewa kuhusu  umuhimu wa mtoto kupata  chanjo hiyo.

Mwinuka aliendelea kuwasisitiza pia  wachanjaji wote kuhakikisha wanapoenda kutoa huduma wanasimamia zoezi hilo kwa kuweka data kamili na kufanya kazi kwa kufikia lengo na sio kutengeneza taarifa zisizo na ukweli

Akishukuru kwa niaba, mmoja kati ya wachanjaji atakaye toa chanjo hiyo  ameishukuru Manispaa ya Ubungo kupitia idara ya afya kuwezesha mafunzo hayo na kuahidi kwenda kuyafanyia kazi kwa weledi na kuhakikisha chanjo inaenda kutolewa kwa watoto wote wenye umri wa kuanzia miezi tisa na chini miaka mitano

Ewe mzazi, mlezi, baba na mama mpeleke mwanao kwenye kituo Cha Afya kilichokaribu na wewe akapate chanjo.