MAFUNZO ELEKEZI KUHUSU UHAKIKI WA TAARIFA ZA ANWANI ZA MAKAZI YATOLEWA RASMI

Posted on: June 30th, 2022

Mafunzo elekezi kwa wakusanya taarifa za Anwani za Makazi (Data collectors) na watendaji wa Mitaa (90) iliyopo Manispaa ya Ubungo wamepewa elimu  kuhusu uhakiki wa taarifa ambayo yamefunguliwa rasmi  Leo tarehe 30.6.2022 yakilenga kuhamasisha uchapakazi, weledi katika kazi na uzalendo

Akifungua mafunzo hayo Afisa utumishi Manispaa ya Ubungo Selemani kateti amewataka wahusika katika zoezi hilo kuhakikisha wanazingatia kufanya kazi kwa maadili na pia kuongeza ufanisi ili kufikia lengo

Aliongeza kwa kusema kuwa "Tumelenga kuwatumia nyinyi kwa sababu mlihusika toka kuanza kwa zoezi hili, tuna Imani zaidi mtaenda kulifanya kwa ufanisi zaidi" 

Aidha Mratibu wa zoezi la Anwani za Makazi kitaifa Ndg. Jampyon Mbugi Aliendelea kuwasisitiza kuendelea kufanyia kazi zaidi kwani Serikali imewaamini  na kuwataka kuendelea kufanyakazi zaidi ya awali na ndo dhumuni la waliotumika katika awamu ya kwanza kurudia katika zoezi hili la uhakiki

Mmoja wa wakusanya Taarifa amewashukuru Manispaa ya Ubungo kupitia wataalam wake ambao wanawapa  ushirikiano  katika zoezi zima la  kuwawezesha kupata mafunzo na kuahidi kwenda kufanya kazi kwa ufanisi  ili kufikia lengo.

#UbungoYetuFahariYetu

Attachments area