MAKALLA AHITIMISHA ZIARA UBUNGO KWA KUTEMBELEA JIMBO LA UBUNGO

Posted on: July 15th, 2024

Ubungo inaenda kupata mapato kupitia Kituo cha kibiashara Cha kimataifa cha East Africa Commercial and logistic Center ( EACLC) ambacho kinaenda kutoa ajira na kusaidia kukua kwa biashara nchini

Hayo yamesemwa na Katibu wa itikadi, uenezi na mafunzo wa Ccm Taifa Ndg Amos Makalla alipotembelea Kituo hicho  kilichopo stendi ya zamani ya mabasi - Ubungo ambacho ujenzi wake unagharimu kiasi Cha shilingi bilioni 294 sawa na dola za kimarekani milioni 118 ndani yake kutakuwa na  maduka yasiyopungua 2000 ambayo wafanyabiashara watapanga katika maduka hayo

Aliendelea kueleza kuwa, uwepo wa Kituo hicho Cha kibiashara unaenda kuzalisha ajira ambazo watanzania wanaenda kunufaika kwa uwekezaji huo.

Makalla amemaliza ziara yake Leo tarehe 15 julai, 2024  katika Wilaya ya Ubungo  na kumalizia na jimbo la Ubungo 

na kufanya mkutano wa hadhara katika uwanja wa Tp uliopo Sinza 

Aidha, Makalla ametembelea katika hospitali ya Sinza palestina inayoendelea kufanyiwa maboresho na huduma mbalimbali zitaenda kufanyika hospitalini hapo ikiwemo masuala  ya upasuaji na pia uwepo wa vifaa tiba vya kisasa.

Makalla amewasisitiza Wahudumu  wa Afya katika hospitali hiyo kufanya kazi kwa weledi zaidi na kuwajali wagonjwa wanaoenda  kupata matibabu.

Akizungumza  katika mkutano huo Mwenyekiti wa  Chama Wilaya ya Ubungo Ndg. Rogati Mbowe  amemshukuru CPA Makalla kwa ujio wake katika Wilaya ya Ubungo na kufanya ziara katika majimbo yote mawili yaliyopo katika Wilaya hiyo na kumuahidi kuendelea kusimami vyema utekelezaji wa miradi ambayo Serikali inaitekeleza ndani ya Wilaya hiyo.