MAKAMPUNI YA URASIMISHAJI YATAKIWA KUMALIZA KAZI YAO HARAKA

Posted on: November 3rd, 2021

Naibu Waziri wa ardhi, nyumba na maendeleo ya makazi Mheshimiwa Angelina Mabula ameyataka Makapuni ya urasimishaji na upimaji Ardhi katika wilaya ya Ubungo  kukamilisha kazi hiyo ipasavyo na kwa wakati ili kuondoa kero ya wananchi ya kutopata hati za umilikishwaji wa ardhi kwa muda mrefu

Mabula ametoa maelekezo hayo   Novemba 03,2021 kwenye kikao kazi kilichohusisha makampuni hayo na wataalam wa ardhi wa Manispaa hiyo kutokana na uwepo wa malalamiko kwa wananchi juu ya ucheleweshwaji wa  upatikanaji wa hati pamoja na wananchi kuwa wameshalipia gharama za upimaji

"Mnapenda kazi za chapuchapu kwa Kutumia watu wasiohusika, haiwezekani michoro yote ikataliwe lazima kuna shida ikiwemo kupima eneo Mara mbili ili mpate viwanja vingi, hii haikubaliki hatua zitachukuliwa" alieleza  Mabula

Pamoja na kuyaelekeza makampuni kutekeleza kazi zao kwa wakati, Naibu Waziri amewaelekeza wataalamu wa Ardhi wa  Manispaa ya Ubungo 

 kuzuia Ujenzi holela katika maeneo mbalimabali kwa kuhakikisha wanajenga baada ya kupata  kibali  Cha ujenzi.

Ili kupunguza migogoro ya ardhi inayosababishwa na uelewa mdogo wa masuala ya ardhi, Naibu Waziri  amewaelekeza  wataalam  ardhi  kutoa elimu kwa wananchi kuhusu  Urasimishaji na masuala yote ya ardhi  ili wananchi waweze kuwa na uelewa wa kutosha.

Akisoma taarifa ya utekelezaji julai hadi oktoba 2021 Afisa Ardhi Manispaa ya Ubungo Fadhili Hussein  amesema kuwa jumla ya migogoro ya Ardhi  171 imepokelewa na migogoro 89 imepatiwa ufumbuzi , migogoro 41 ofisi inaendelea kuitafutia ufumbuzi na 41 inashughulikiwa ngazi ya mahakama  

Aliendelea kusema kuwa Halmashauri ilipokea maombi 17 ya wananchi na jumla ya leseni mpya za makazi 14 zilitolewa kwa wananchi  na leseni 708 zimelejeshwa kwa matumizi mbalimbali 

Vibali vya ujenzi 237  kutoka kwenye maombi 372 vimepitishwa ikiwa ni hatua ya kuhakikisha miji inapangwa inavyotakiwa.

Manispaa ya Ubungo ina jumla ya mitaa 61 ambayo zoezi la urasimishaji unatekelezwa na utekelezaji huo unafanyika kwa kushirikisha makampuni binafsi ya upangaji na upimaji yaliyosajiliwa kwa kujibu wa Sheria 

Aidha hadi kufikia mwezi oktoba 2021 jumla ya maeneo 181,390 yametambuliwa, michoro ya mipangomiji 503 yenye jumla ya viwanja 176,350 imendaliwa na kuidhinishwa,  aidha viwanja 74,563 vipo katika hatua za awali za upimaji , viwanja 17,776 vimepimwa na kusajiliwa  na jumla ya viwanja 3,158 vimeandaliwa hati miliki

2 Attachments