MANISPAA YA UBUNGO YAJIPANGA KUTOA ELIMU YA KUZINGATIA LISHE HASA KWA WATOTO

Posted on: November 17th, 2021

katika kuleta maboresho ya utoaji wa huduma ya lishe  kwa Jamii, wajumbe wa kamati ya lishe Manispaa ya Ubungo  wamelenga kujikita katika kuhalikisha  utoaji wa elimu ya lishe  kwa wanafunzi mashuleni linatiliwa kipaumbele  pamoja na wajawazito na watoto wa chini ya miaka mitano kupatiwa lishe Bora

 Akiwasilisha taarifa ya ya bajeti ya awali ya Lishe ngazi Halmashauri, Afisa lishe Manispaa ya Ubungo Betrice  Mossile ameelezea  matumizi na mafanikio ya bajeti ya Lishe  kwa  mwaka 2020/2021  na kujadili namna bora ya kuboresha  bajeti hiyo ya  awali ikiwa inalenga kuleta ustawi mzuri wa Lishe

Mossile amesema kuwa  elimu ya lishe kwa wanafunzi waliopo katika Manispaa ya Ubungo imewezwa kutolewa kwa  wanafunzi 46,431 kwa shule za msingi za Goba, Reginald Mengi, Mugabe, Mashujaa, Kwembe, Mpiji Magohe, na 6,032 kwa shule za sekondari  za Manzese, Mugabe na Mabibo

Kufanya Mafunzo ya lishe na usalama wa chakula kwa walezi majumbani.

Aliendelea kwa kusema kuwa Vifaa vya ujumbe wa lishe vilivyoandaliwa na fedha za Manispaa vimesaidia kufikisha ujumbe kwa jamii kwa njia rahisi.

Aidha alieleza  malengo ambayo yanaendelea kuboreshwa kwaajili ya kuleta maendeleo ya Lishe Manispaa ya Ubungo ikiwemo utoaji wa elimu ya mafunzo ya lishe kwa watoa huduma ngazi ya jamii 115 kwa mwaka wa fedha ujao.

Kuendesha tena kampeni za lishe na magonjwa yasiyoambukiza kwa wafanyakazi na Manispaa ya Ubungo kwa mwaka wa fedha ujao.

Kuwatembelea watoa huduma ngazi ya jamii kwa ajili ya kuandaa bajeti ya mwaka wa fedha kwa 2021/2022.

Kuendelea kutathmini na kutoa elimu ya lishe kwa ngazi ya jamii pamoja na mashuleni.