MANISPAA YA UBUNGO YAPOKEA PIKIPIKI 11 KUTOKA WIZARA YA KILIMO NA KUZIGAWA KWA MAAFISA KILIMO

Posted on: January 7th, 2025

Katika muendelezo wa ugatuaji ufuatiliaji wa shughuli za maendeleo, Manispaa ya Ubungo imepokea pikipiki 11 kutoka wizara ya Kilimo na kuzigawa kwa maafisa kilimo wa Manispaa ya Ubungo ili kuwatengenezea mazingira mazuri ya kuwafikia wakulima kwa wakati, kuwashauri na kutatua changamoto wanazokutana nazo katika shughuli za Kilimo

Zoezi Hilo limefanyika mapema Januari 07, 2025 ambapo kaimu mkurugenzi Manispaa ya Ubungo Kissah Mbilla amegawa pikipiki 11 kwa maafisa wa Kilimo huku akitoa rai kuhakikisha wanazitunza na kuzitumia kwa shughuli za kikazi ambazo ndio zimekusudiwa

Aidha, Pikipiki hizo zimefungwa mfumo maalumu wa ufuatiliaji (GPS tracking system) kwaajili ya usalama na ufuatiliaji wa karibu kwenye shughuli hizo za kilimo