MANISPAA YA UBUNGO YAPONGEZWA JUU YA UTEKELEZAJI WA MIRADI

Posted on: May 16th, 2023

Kamati ya siasa Mkoa wa Dar es Salaam yaipongeza Manispaa ya Ubungo juu ya usimamizi wa miradi ya maendeleo inayotekelezwa na Manispaa hiyo.

Pongezi hizo zimetolewa leo tarehe 16/05/2023 na Kamati hiyo wakati ziara waliyoifanya ndani ya Manispaa ya Ubungo na kutembelea miradi mbalimbali ya maendeleo inayotekelezwa na Manispaa hiyo.

Akiongea katika ziara hiyo Mwenyekiti wa Chama cha Mapinduzi CCM Mkoa wa Dar es Salaam Mhe. Abbas Mtemvu amesema amefurahishwa na utekelezaji wa mradi wa Shule ya wasichana ya Mkoa wa Dar es Salaam ambayo italeta heshima kubwa kwa Manispaa hiyo na amefurahishwa na mipango iliyopo juu ya uboreshaji wa shule hiyo.

Mhe. Mtemvu ameiagiza Manispaa hiyo kuboresha barabara kuu inayoelekea Shule ilipo ili kuendana na hadhi ya Shule hiyo.

Kwa upande wake Kaimu Mkurugenzi wa Manispaa hiyo Ndg. Kyomo wakati akisoma taarifa ya utekelezaji wa mradi huo amesema Shule hiyo inajengwa kwa gharama za shilingi Bilioni 3 ambapo lengo la mradi huo ni kujenga Shule ya Sekondari maalum ya sayansi ya Mkoa kwa wasichana kuanzia kidato cha I - VI na mradi huo utakamilika ifikapo Juni mwaka huu na kuanza kupokea wanafunzi.

Nae Mjumbe wa Kamati ya siasa Mkoa (MNEC) Ndg. Juma Simba Gadaf ameipongeza Manispaa kwa mradi wa kompyuta 25 zilizopatikana kwa ufadhili wa Korea Kusini kwa lengo la wanafunzi wa shule za msingi kupata fursa ya kujifunza Tehama kwa vitendo mashuleni na amefurahishwa na ujenzi wa Shule ya Sekondari ya Ubungo ambayo ni ya ghorofa inayojengwa kwa gharama ya Shilingi Milioni 805.

Aidha, Mkuu wa Wilaya ya Ubungo Mhe. Hashim Komba amesema Manispaa ya Ubungo itaendelea kushirikiana katika kuhakikisha miradi mbalimbali ya maendeleo inatekelezwa kwa ufanisi na amesema kuwa Ilani ya Chama itaendelea kutekelezwa na kusimamia ipaswavyo kwa maslahi ya wanachi wa Ubungo.

Miradi iliyotembelewa ni pamoja na Mradi wa ujenzi wa vyumba vitatu vya madarasa shule ya msingi kiluvya, ujenzi wa mabanda ya wajasiriamali Mbezi njia panda ya Goba, Utengenezaji wa Maktaba kwa kutumia kontena Shule ya Msingi Tegeta A, Ujenzi wa Shule ya Sekondari Ubungo Plaza na hospitali ya wilaya ya Ubungo

@ccm_dsm