MANISPAA YA UBUNGO YAPONGEZWA KWA NAMNA INAVYOTEKELEZA MIRADI YAKE KWA KUTUMIA MAPATO YA NDANI

Posted on: June 26th, 2020

Hayo yametoke tarehe 26/6/2020  wakati wa Ziara ya Naibu waziri wa OR- Tamisemi  MHE.JOSEPHAT KANDEGE alipotembelea Manispaa hiyo na kupokelewa na Mkuu wa Wilaya ya Ubungo Mhe.Kisare Makori, Mkurugenzi wa Manispaa ya Ubungo Beatrice Dominic, Katibu Tawala wa Wilaya ya Ubungo  Ndg.James Mkumbo , Ulinzi na Usalama ya Wilaya, Maafisa Tarafa wa jimbo la kibamba na Ubungo, na Wataalam Kutoka Manispaa ya Ubungo.

Katika  ziara hiyo miradi iliyotembelewa ni Mradi wa ujenzi wa Ofisi za Manispaa uliopo Luguruni, Mradi wa Ujenzi wa ofisi za Walimu, madarasa mawili na  matundu 12  ya vyoo katika Shule ya Sekondari ya Kwembe, Mradi wa Ujenzi wa Zahanati ya Kibamba iliyopo Kata ya Kwembe na Mradi wa ujenzi wa Kituo cha afya cha Kimara.

la ziara hiyo ni kufuatilia namna Manispaa ya Ubungo inavyokusanya mapato na matumizi ya fedha hizo zinazotokana na makusanyo hayo katika kuwaletea wananchi maendeleo.
Aidha Mhe.Kandege amepongeza  Manispaa ya Ubungo inavyotekeleza miradi ya maendeleo kwa kiwango cha juu na  kuonyesha utofauti katika  uendeshaji wa miradi hiyo  kwa kutumia fedha za mapato ya ndani.

Miradi inaenda vizuri, ubunifu wa majengo umekizi vigezo  Halmashauri nyingine zinaweza kuiga mfano huu kutoka Ubungo mmeweza kuendeleza  miradi kwa mapato ya ndani  bila kusubiri pesa kutoka serikali kuu"*Aliongeza Mhe.Naibu Waziri

Sambamba na hilo amewapongeza wataalam wa Manispaa kwa kujipanga ipasavyo katika swala zima la usimamizi wa miradi, Mmeonyesha utofauti  mkaendeleze  juhudi hizi ili kuleta  maendeleo  kwa jamii.