MD NTIRUHUNGWA KWENYE UKAGUZI WA MIRADI

Posted on: November 5th, 2023

Mkurugenzi Manispaa ya Ubungo Ndg. Elias Ntiruhungwa mapema  tarehe 5 oktoba, 2023 amefanya ziara ya kutembelea miradi na maeneo yaliyoathirika kutokana na mvua zinazoendelea kunyesha.

Akikagua katika shule ya sekondari ya Dar es Salaam girls Ntiruhungwa amemwagiza Mkandarasi anayejenga Shule hiyo Bandiko kuhakikisha maeneo yote yaliyoathirika kutokana na mvua zinazonyesha yatengenezwe kwa haraka kukabiliana na mvua zinazoendelea kunyesha.

Na pia Ntiruhungwa, amemuagiza mkandarasi huyo kuhakikisha Uwekaji wa gata katika majengo yote ili kuzuia maji yasitengeneze mkondo utakaoendelea kusababisha udongo kuendelea kumomonyoka

Naagiza Kazi ianze leo kuchimba mifereji itakayotumika kutoa maji alisisitiza Ntiruhungwa

Aidha, katika ukaguzi huo Ntiruhungwa akiwa ameambatana na wataalam walitembelea Mto china uliopo Kata ya Makurumla uliopelekea mafuriko kwa wakazi wa maeneo hayo na kuagiza shule iliyokaribu Mianzini shule ya msingi kusaidia wakazi waliokumbwa na maafa waweze kujihifadhi  mahali hapo kwa leo ambapo timu ya wataalam wa maafa ikiendelea na utaratibu mwingine.

Timu ya wataalam wakiwa kwenye ukaguzi wa miradi wakiongozwa na Mkurugenzi wa Manispaa ya Ubungo ELIAS NTIRUHUNGWA