MICHEZO NI AFYA,MIPIRA 250 YATOLEWA KWA SHULE ZA MSINGI

Posted on: March 21st, 2024

Manispaa ya ubungo kupitia Kitengo cha utamaduni sanaa na michezo  machi 21,2024 kimetoa mipira 250 kwa shule za msingi lengo likiwa ni kuibua na kuendeleza  vipaji vya wanafunzi katika michezo mbalimbali ikiwemo mpira wa miguu

Akitoa taarifa ya ujio wa mipira hiyo, Kaimu Mkuu wa kitengo hicho Kassimu Semfuko amesema mipira hiyo imetolewa na shirikisho la Mpira wa miguu duniani FIFA kwa kushirikiana na shirikisho la mpira wa miguu Tanzania TFF kupitia mpango wa kuibua na kuendeleza vipaji vya mpira wa miguu kwa waanafunzi wenye umri wa miaka 10 hadi 13.

Mpango huu ujulikanao kama "Football for Schools" ambao unatekelezwa katika Wilaya zote za Mkoa wa Dar es salaam ambapo kwa Wilaya ya Ubungo shule 25 zimenufaika na mpango huo wa kuibua na kuendeleza vipaji kwa watoto wa umri mdogo kwani ni vema samaki kumkunja angali mbichi.

Akiongea wakati wa kugawa mipira hiyo Katibu Tawala wa Wilaya ya Ubungo  Hassan Mkwawa amesema kuwa lengo la Serikali na vyama vya michezo ni kuendeleza vipaji kuanzia ngazi ya chini kwa ajili kukuza mpira wa miguu kwa wanafunzi wa shule za msingi na sekondari

Aidha, Mkwawa amesema msaada wa mipira hii sio tu utaongeza ari ya wanafunzi kupenda michezo lakini pia ni fursa nzuri kwa Manispaa kuwaanda vizuri wanafunzi katika mashindano ya UMITASHUMTA na UMISETA ambayo ni sehemu muhimu ya kutambua viapaji vya wanafunzi hususani mchezo wa mpira wa miguu

Aidha, Mkwawa amesema ili malengo ya mpango huo yaweze kufanikiwa "niwaombe Walimu Wakuu muitunze mipira hii ili itumike muda mrefu lakini pia wanafunzi wawe na kifaa hiki mhimu  kwa  mchezo wa mpira wa miguu"

Nae Afisa michezo wa Manispaa hiyo Wikansia Mwanga ameahidi kuzisimamia shule zinazonufaika na mpango huo kwa kuanzisha ligi kwenye shule hizo kwani jambo ambalo litasaidia kuwaandaa watoto kwenye mashindano mbalimbali.

Akiongea kwa niaba ya walimu wakuu, Bi Rehema Ramole Mwlimu Mkuu shule ya msingi Makuburi Jeshini ameshukuru serikali kwa msaada wa mipira hiyo kwaninitaongeza morali kwa watoto kupenda michezo kwani mipira iliyopo ilikuwa michakavu sana.