MIKATABA MITATU YENYE THAMANI YA SHILINGI BILIONI 5.4 YASAINIWA

Posted on: June 26th, 2023

Leo tarehe 26 Juni, 2023 Manispaa ya Ubungo imekutana na Wakandarasi kwenye utiaji saini wa Mikataba ya miradi ya maendeleo. Utiaji saini huo ulihusisha miradi ya  mitaa.

Aidha, Mradi wa kwanza ni ujenzi wa Barabara ya Goba Kinzudi yenye urefu wa kilometa 1 kwa kiwango cha lami wenye thamani ya shilingi bilioni 1.3 itakayojengwa na kampuni ya CHISER CONSTRUCTION AND GENERAL SUPPLY LTD.

Mradi wa pili ni ujenzi wa ukumbi mkubwa wa mikutano utakao jengwa eneo la Manispaa na kampuni inayoitwa GOPA CONSTRUCTORS TANZANIA LTD utakao gharimu kiasi cha shilingi bilioni 2.8.

Mradi wa tatu ni ujenzi wa Jengo la Biashara maeneo ya Manzese - Bakhresa wenye thamani ya shilingi bilioni 1.3 utakao jengwa na kampuni ya LUVISA INVESTMENT COMPANY LTD.

Katika utiaji saini huo, Mkurugenzi wa Manispaa hiyo ndugu Elias Ntiruhungwa aliwataka Wakandarasi hao kuzingatia muda, ubora na spidi katika miradi hiyo. Alisema atakuwa anaitembelea miradi hiyo mara kwa mara muda wowote.