MIRADI 7 YENYE THAMANI YA BILIONI 8.2 UBUNGO YAPITA KWA KISHINDO MBIO ZA MWENGE WA UHURU 2025

Posted on: June 5th, 2025

Juni 5, 2025 Mwenge wa uhuru umepitisha kwa kishindo miradi yote 7 ya maendeleo  yenye thamani ya shilingi bilioni 8.2  baada ya kukagua, kutembelea, kuweka mawe ya msingi na kuzindua miradi hiyo kutoka Sekta za Elimu, Afya, Maendeleo ya Jamii, Barabara na Maji.

Akipongeza baada ya  kutembelea, kukagua, kuweka mawe ya msingi na miradi yote kupita kwa kishindo Mkimbiza Mwenge wa Uhuru Kitaifa mwaka  2025  Bwn. Ismail Ali Ussi amesema kuwa, amefurahishwa na utekelezaji mzuri wa miradi hiyo uliyozingatia thamani ya Fedha na ubora na kutaka maendeleo hayo yaendelee kwa ajili ya wanaubungo na  wananchi kwa ujumla

Mbio za mwenge 2025 zimetembelea mradi wa Barabara ya Kibwegere - Mpiji Magohe, Mradi wa pampu ya kusukuma maji DAWASA mji mpya uliopo Kwembe, kukagua Mradi wa Matumizi ya Nishati safi uliopo Shule ya wasichana ya Dar Es Salaam, Mradi wa ujenzi wa vyumba 4 vya madarasa na matundu 8 ya vyoo

Pia umetembelea na kukagua mradi wa vijana wa kutengeneza fenicha uliopo Sinza, kuweka jiwe la msingi ujenzi wa jengo la upasuaji wodi ya wazazi katika kituo cha afya Makurumla na kukagua usafi wa soko la Mabibo (ukaguzi wa usafi katika masoko)

Bw. Ismail Ussi pia amewahamasisha wananchi wenye Sifa wajitokeze kwa wingi kupiga kura katika uchaguzi Mkuu kwa ajili ya kuchagua kiongozi Bora kwa maendeleo ya Taifa.

Vilevile, Mwenge wa uhuru 2025 umeenda sambamba na kauli mbiu isemayo "Jitokeze kushiriki uchaguzi Mkuu 2025 kwa Amani na Utulivu"

Aidha, wananchi wote mnaendelea kukaribishwa katika  mwenge wa uhuru unaokesha katika uwanja wa Shule ya msingi Makuburi na  shamrashamra zinaendelea  na  burudani kutoka kwa wasanii mbalimbali akiwemo Hamonize ,Dullah makabila na wengine wengi.