MIRADI YA BILIONI 2.8 YAMULIKWA NA MWENGE WA UHURU 2022 UBUNGO

Posted on: May 11th, 2022

Mwenge wa Uhuru mwaka 2022 umefanya ukaguzi wa miradi mitano ya maendeleo ndani ya Manispaa ya Ubungo leo tarehe 11 mei 2022. Mbio hizo zinazoongozwa na mkimbiza Mwenge kitaifa ndugu Sahili Nyazabara Geraruma pamoja na timu yake ya kitaifa wamefanya ukaguzi wa miradi hiyo sambamba na kuweka mawe ya msingi.

Ndugu Geraruma ameweka mawe ya msingi katika mradi wa kituo cha afya cha Goba, kituo cha kulea wasichana wahanga wa biashara haramu cha DMI spring of hope, barabara ya kifuru pamoja na ujenzi wa madarasa matatu katika shule ya sekondari ya mashujaa sinza.

Sambamba na uwekaji wa mawe hayo ya msingi, mkimbiza mwenge kitaifa ndugu Sahili Nyanzabara Geraruma amewasisitiza viongozi na watendaji wa Manispaa ya Ubungo kufata maelekezo yanayoyotolewa na wizara kwenye ujenzi wa miradi ikiwa ni pamoja na kuhakikisha miradi inakamilika kwa wakati. Pamoja na hayo ndugu mkimbiza mwenge kitaifa amefurahishwa na miradi hiyo ambayo ina matokeo chanya sana kwa wananchi wa manispaa hiyo.

Mwenge wa Uhuru 2022 pia umebeba ajenda ya zoezi la Sensa litakalofanyika tarehe 23 Agosti 2022 na wananchi wa Wilaya ya Ubungo wamesisitizwa kujitokeza na kutoa ushirikiano wa dhati kwenye zoezi hilo.

Mwenge wa Uhuru unakesha katika viwanja vya barafu Mburahati hadi kesho tarehe 12 mei 2022 tayari kukabidhiwa kwa Wilaya ya Ilala.

Mkuu wa Wilaya ya Ubungo Mhe. Kheri James akipokea mwenge wa uhuru kutoka wilaya ya Kinondoni. mapokezi yamefanyika eneo la Kunguru kwa Muro kata ya Goba tarehe 11.05.2022 tayari kwa kukimbizwa katika wilaya hiyo.

UBUNGO YETU FAHARI YETU