MKURUGENZI NTIRUHUNGWA APONGEZA KASI YA UTEKELEZAJI WA MIRADI

Posted on: October 6th, 2023

Kamati ya Ukaguzi wa  Miradi ya Manispaa ya Ubungo ikiongozwa na Mkurugenzi wa Manispaa hiyo Ndg. Elias Ntiruhungwa wameendelea na 

ukaguzi wa miradi ya maendeleo inayotekelezwa katika Halmashauri hiyo lengo ikiwa ni kufanya ufuatiliaji na kuhakikisha  inakamilika kwa wakati

Kamati imekagua miradi minne ikiwemo mwendelezo wa ujenzi wa miundombinu katika shule ya wasichana ya Mkoa wa Dar es Salaam (Dar es Salaam Girls secondary School) ambapo ujenzi wa bweni, Bwalo,  Chumba cha Tehama, miundombinu ya barabara, nyumba za walimu na madarasa kwa ajili ya kidato cha kwanza  na majengo yote yapo  katika hatua mbalimbali za  ukamilishaji

Pia kamati imekagua miradi ya ujenzi wa madarasa 6 shule ya Msingi Karume ambayo yapo hatua za umaliziaji, ujenzi wa jengo la upasuaji na jengo la wazazi na jengo la kufulia katika kituo cha Afya Makuburi na maboresho ya miundombinu katika soko la ndizi Mabibo.

Akiongea wakati wa ukaguzi wa miradi hiyo Mkurugenzi wa manispaa hiyo amepongeza kasi ya utekelezaji wa miradi hiyo na kuwataka wakandarasi wanaotekeleza miradi hiyo kuhakikisha wanamaliza kwa wakati kwa mujibu wa mikataba ya kazi hizo.

Kwa upande wa ujenzi wa majengo ya  kituo cha afya makuburi, Mkurugenzi amempa siku tatu mkandarasi anayejenga majengo hayo kukamilisha kazi zote zilizobaki ili yaanze kutumika.

Timu ya wataalam wakiongozwa na Mkurugenzi Manispaa Ubungo ELIAS NTIRUHUNGWA wakiwa  katika ukaguzi wa miradi