MKURUGENZI NTIRUHUNGWA KWENYE UKAGUZI WA MIRADI, ATOA KIBALI KWA MAFAILI YA MUHIMU KUWAHISHWA

Posted on: September 12th, 2023

Septemba 12, 2023 mkurugenzi wa Halmashauri ya Manispaa ya Ubungo Ndg, Elias Ntiruhungwa amefanya ziara ya ukaguzi wa kasi ya utekelezaji wa miradi ya maendeleo katika maeneo mbalimbali

MD Ntiruhungwa amekagua ujenzi wa awamu ya pili katika shule ya sekondari Dar es Salaam Girls, shule ya msingi Ubungo NHC na mradi wa uboreshaji wa awamu ya kwanza katika soko la Mabibo.

Akiongea na wahandisi wa mradi wa Dar es Salaam Girls ambapo kwa awamu ya pili kunajengwa mabweni manne, madarasa 10, nyumba za walimu za familia tano pamoja na chumba cha ICT. Mkurugenzi Ntiruhungwa amesisitiza suala zima la uwajibikaji, ushirikishwaji na wepesi kwenye kufanya maamuzi kwa maslahi mapana ya Manispaa

"Nimetoa kibali kwa mtumishi yoyote unapokua na jambo la muhimu, hakikisha umeshika faili mkononi unalileta kwangu ili nisaini na taratibu zingine ziendelee bila kuwa na kikwazo chochote" alisema Ntirihungwa

Aidha katika mradi wa maboresho katika soko la Mabibo, Mkurugenzi Ntiruhungwa ametoa kipindi cha wiki mbili kutoka leo mpaka inapofika Septemba 26, 2023 shedi hilo liwe limekamilika na kutumiwa na wafanyabiashara wa soko hilo, ambapo kauli hiyo imeungwa mkono na wafanyabiashara wa soko hilo ambao wamepongeza jitihada za serikali kwenye kuboresha soko hilo

Timu ya wataalam wakiongozwa na Mkurugenzi ELIAS NTIRUHUNGWA wakiwa katika ukaguzi wa miradi