MKURUGENZI WA IDARA YA AFYA TAMISEMI AIPONGEZA MANISPAA YA UBUNGO

Posted on: January 9th, 2021

Mkurugenzi msaidizi wa Idara ya Afya, Ustawi wa Jamii na Lishe TAMISEMI Dkt. Paul Chawote  ameipongeza Manispaa ya Ubungo kwa ujenzi  wenye viwango  wa hospitali ya Wilaya na kuwasisitiza kumaliza mradi   huo Kwa wakati  

Dkt. Chawote ametoa pongezi hizo wakati alipotembelea na kukagua ujenzi wa hospitali hiyo inayojengwa kata ya kimara mtaa wa baruti leo januari 9, 2020 na kueleza kuwa ziara hiyo inalenga kuona utekelezaji wa shughuli mbalimbali za afya ikiwemo ujenzi miundombinu.

"Kwa mujibu wa taarifa, mradi huu ulipaswa kukamilika mwezi desemba 2020, tumieni vizuri muda wa nyongeza mliopewa kukamilisha mradi  ili wananchi waanze kupata huduma kwani hilo ndilo lengo la serikali" amesisitiza Dkt Chawote

Pamoja na kujenga kwa ubora stahiki kwa maana ya thamani ya fedha lakini pia zingatieni marekebisho niliyowaelekeza Kwani ni ya msingi Kwa majengo ya Hospitali ameagiza Dkt  Chawote.

Mkurugenzi msaidizi idara ya afya, ustawi wa jamii na lishe Dkt Paul Chawote (aliyenyoosha mkono) akitoa maelekezo kwa uongozi wa Manispaa ya Ubungo na mjenzi wa mradi wa hospitali leo januari 5,2021 alipotembelea mradi huo.

 Nae  Mkurugenzi wa Manispaa Ubungo Beatrice Dominic ameahidi kuongeza kasi ili mradi ukamilike kwa wakati na uanze kutumika

"Mradi umechelewa kidogo kutokana na changamoto ya upatikanaji wa vifaa vya Ujenzi hususani Mabati na sementi lakini kwa sasa changamoto hizo zimetatuliwa " ameeleza Beatrice

Beatrice ameendelea kueleza kuwa , Utekelezaji wa Mradi Kwa sasa upo asilimia 60 Ila tunategemea asilimia ya kutekelezaji itaongezeka kwani kasi ya ujenzi ni kubwa kwa sasa.

Mradi ulikadiriwa kutumia shilingi bilioni 1.82 kwa awamu ya kwanza ambapo jumla shilingi bilioni 1.5 ni fedha kutoka serikali kuu na shilingi 250 milioni ni mchango wa halmashauri katika mradi huo.