MKURUGENZI WA MANISPAA YA UBUNGO BEATRICE DOMINIC AFUNGA SEMINA ELEKEZI YA WENYEVITI NA WATENDAJI

Posted on: March 6th, 2020

Mkurugenzi wa Manispaa ya Ubungo Beatrice Dominic leo amefunga mafunzo( semina elekezi) kwa wenyeviti wa Serikali za Mitaa na watendaji iliyofanyika katika ukumbi wa Little Flower uliopo Mbezi.

Mafunzo hayo yalianza hapo jana na kumalizika leo, na kuhudhuriwa na Mwenyekiti wa CCM  Wilaya  *Ndg.Lucas Mgonja* , viongozi wa chama cha Mapinduzi, wataalam kutoka Manispaa ya Ubungo, kamati ya ulinzi  ya Wilaya, wenyeviti wa mitaa na watendaji wa mitaa 90 na  watendaji wa kata  14.

Wakati akifunga Mkurugenzi aliwashukuru wakufunzi kutoka Chuo cha Hombolo, wajumbe wa Uongozi wa CCM  Wilaya na Kamati ya Usalama ya Wilaya  kwa uwepo wao  toka mwanzo wa  semina kuanza hadi kumalizika.

Aidha Katibu Mwenezi wa Chama Wilaya ya Ubungo Ndg.Mbaruku Massoud aliwaasa watendaji na wenyeviti wa mitaa kuhakikisha wanazingatia mafunzo na kuyafanyia kazi ipasavyo yale waliyoelekezwa.

Nae Mwenyekiti wa Serikali ya Mtaa wa Mbezi Louis alisimama kwa niaba ya wenyeviti na kushukuru kwa semina iliyotolewa  na kumshukuru  Mkurugenzi kwa mambo ambayo amewasaidia na kuwapatia ufumbuzi.