MKUU WA MKOA WA MOROGORO ATEMBELEA BANDA LA UBUNGO

Posted on: August 5th, 2023

Mhe. Adam Malima Mkuu wa Mkoa wa Morogoro tarehe  05/08/2023 ametembelea Banda la Halmashauri ya Manispaa ya Ubungo ndani ya viwanja vya J. K Nyerere Mkoani ikiwa ni muendelezo wa sherehe za maonesho ya nanenane 2023 yanayoenda sambamba na kauli mbiu isemayo “vijana na wanawake ni msingi imara wa mfumo endelevu wa chakula”

Akiwa ndani ya Banda la Halmashauri hiyo Mhe. Malima ametembelea wajasiriamali walioshiriki maonesho hayo ndani ya banda hilo sambamba na kukagua vipando vilivyopandwa na Manispaa hiyo.

Akiongea baada ya ukaguzi huo Mhe. Malima ameipongeza Manispaa ya Ubungo kwa namna ambavyo wameshiriki maonesho hayo na kuweza kiitafsiri kauli mbiu  kwa vitendo kutokana na mazuri aliojionea ndani ya hilo

Malima ameendelea kueleza kuwa Serikali imeweka fursa nyingi kwenye masuala ya kilimo sasa ni wakati wa watanzania kutumia fursa hizo kwa kufanya kilimo chenye tija kinachozingatia sheria, kanuni na taratibu na kuacha kulima kwa mazoea kwani ndipo kunapelekea shughuli ya kilimo kuwa ni ya kimaskini.

Aidha, Malima amewaasa vijana wenye ndoto za kuwa wakulima kujiunga na vikundi mbalimbali vinavyojihusisha na kilimo na kubadili mtazamo wa kuona kuwa ukulima ni umaskini na amewataka wataalamu wa kilimo kuendelea kutoa elimu, kuhamasisha na kuwaeleza vijana juu ya mausala na fursa mbalimbali za kilimo.

Ikumbukwe kuwa maazimisho  kwa mwaka huu 2023 yanaazimishwa Kitaifa Mkoani Mbeya na kwa kanda ya Mashariki yanafika Mkoani Morogoro ndani ya viwanja vya J.K Nyerere.

Tembelea banda la Halamashauri ya Manispaa ya Ubungo ujifunze masuala ya kilimo, mifugo na uvuvi pamoja na elimu ya ujasiriamali upate kujionea na mengi mazuri yaliyoandaliwa na wataalamu wa Ubungo.

Mkuu wa Mkoa wa Morogoro Adam Malima akikagua banda la samaki wa mapambo lililopo katika banda la  Manispaa ya Ubungo katika maonyesho ya nanenane morogoro

ReplyForward