MRADI WA NEST360 AWAMU YA PILI WAZINDULIWA HOSPITALI YA WILAYA UBUNGO.

Posted on: June 12th, 2024

Mradi wa utoaji huduma za afya kwa watoto wachanga, NEST360 (Newborn Essential Solutions and Technologies) umezinduliwa leo Juni 13, 2024 na Naibu Katibu Mkuu Wizara ya Afya Dkt. Grace Magembe katika hospitali ya wilaya Ubungo

Akiongea katika uzinduzi huo Mgeni rasmi, Dkt. Grace Magembe amewaomba wahudumu wa huduma za Afya Nchini kuhakikisha wanaongeza ubora wa utoaji huduma ili uende sambamba na maboresho makubwa ya miundombinu ya afya pamoja na vifaa tiba

"Mwaka 2018 wodi za watoto wachanga zilikua 18, lakini kwa hivi sasa mwaka 2024 wodi za watoto wachanga zipo 241 Nchi nzima. Huu ni uwekezaji mkubwa sana umefanywa na serikali ya awamu ya sita chini ya Dkt. Samia Suluhu Hassan" alisema Maghembe

Mradi huo na maalumu kwa ajili ya kuokoa vifo vya watoto wachanga ambao wanakabiliwa na changamoto mbalimbali za afya ikiwa ni pamoja na kuzaliwa mapema kabla ya wakati (Pre mature birth).

Mradi wa NEST360 (2024 - 2029) ambao unafadhiliwa na chuo kikuu cha Rice360 kutoka nchini Uingereza kimefadhili mradi huo kwa gharama ya shilingi bilioni 17 Ambazo zitatumika kwenye utoaji wa vifaa tiba pamoja na ujenzi wa wodi za watoto wachanga ambapo mradi utatekelezwa katika hospitali 21 nchi nzima.

Kwa Manispaa ya Ubungo mradi huo utatekelezwa kupitia hospitali ya wilaya Ubungo iliyopo Kimara Baruti ambapo vifaa mbalimbali vimekabidhiwa hospitali hapo ikiwa ni pamoja na Phoenix Infant Warmer, Suction Machine, Pumani Bubble CPAP, Phoenix Phototherapy Machine, Flow Splitter, Syringe Pump, Pulse Oximeter, na Oxygen Concentrator.