MRADI WA REST WATAMBULISHWA UBUNGO

Posted on: December 14th, 2022

 Desemba 14, 2022 umefanyika Utambulisho wa mradi wa REST (Reproductive Equity Strategy In Tanzania) utakaoshirikiana na Halmashauri ya Manispaa ya Ubungo katika utoaji huduma za afya ya uzazi na afua za ukatili wa kijinsia kwa vijana hasa wa kike.

Mradi huu utatekelezwa na asasi ya Alamayangu Initiative Tanzania na shirika la DSW Tanzania kwa kushirikiana na serikali kwa ufadhili wa Hewllet foundation. Mradi ni wa miaka miwili na unatarajiwa kuisha Juni 2024.

Mradi utajikita katika kujenga uwezo wa taasisi katika maeneo Muhimu kama usimamizi wa fedha, tathimini, ufuatiliaji, na uendeshaji wa taasisi.

Kwa kushirikiana na Halmashauri,  watoa huduma wa afya watajengewa uwezo ili kuimarisha utoaji wa huduma rafiki Kwa Vijana na wanawake na elimu ya kupinga ukatili wa kijinsia Kwa kuzingatia sera, miongozo na Sheria.

Katika Halmashauri ya Ubungo mradi wa REST, utatekelezwa na taasisi ya AlamaYangu Initiative Tanzania katika kata za Manzese, Mbezi, Kimara, Saranga, Makuburi na Kibamba .

Matokeo tarajiwa ya mradi huu ni kufikia Vijana na wanawake zaidi ya 2000 Kwa mbinu shirikishi ikiwemo midahalo na makongamano na kuwafanya kuwa mfano wa kuigwa katika kutumia huduma za afya ya uzazi Kwa Vijana na wanawake.

@dswtanzania
@alamayangu_tz