MRADI WA UBORESHAJI WA USALAMA WA MILIKI (LTIP) KUANZA RASMI UBUNGO

Posted on: September 12th, 2023

Mkuu wa Wilaya ya Ubungo Mheshimiwa Hashim komba amefanya kikao kazi na Wenyeviti wa Mitaa na Viongozi wa kamati za Urasimishaji za mitaa kuhusu  urasimishaji

Mradi wa urasimishaji kupitia benki ya Dunia rasmi unaenda kuanza  katika Wilaya ya Ubungo na utafanyika katika mitaa yote

Hayo yameelezwa  tarehe 12 septemba, 2023 na Komba  alipofungua kikao kazi kilicholenga kuzungumzia maswala ya urasimishaji kwa Wilaya ya Ubungo

Aliendelea kwa kusema kuwa Kwa mujibu wa world bank urasimishaji utafanyika Kwa kiasi cha laki moja na elfu 30 ambacho kila mwananchi atalipia

Fedha hiyo itakua ni kwaajili ya utambuzi, upangaji na upimaji

"Tembeeni vifua mbele urasimishaji unaenda kufanyika katika Wilaya ya ubungo" wenyeviti mkasimamie zoezi hili 

Komba aliendelea kwa kusema kuwa, natamani kuona Wilaya yetu ya Ubungo inaenda kufanya zoezi hili Kwa haraka na muda mchache 

Nataka Ubungo ikawe Wilaya ya mfano katika zoezi hili la urasimishaji na mtaa utakaofanya maandalizi Kwa haraka Kwa kuhakikisha uundaji wa kamati unafanyika Kwa wakati basi ntakuja mwenyewe kwenye mtaa huo kwaajili ya kufanya hamasa

Nae, Mratibu wa zoezi la urasimishaji Wilaya ya Ubungo ndg. John Ilomo alielezea  Mradi wa uboreshaji wa usalama wa miliki (LTIP) kupitia Benki ya  Dunia katika Halmashauri ya Ubungo lengo lake ni kukwamua zoezi la urasimishaji katika mitaa kwa kukamilisha kazi na kutatua changamoto za Kila mtaa kulingana na hatua ya utekelezaji iliyofikiwa na Makampuni yaliyokuwa yakitekeleza Miradi hii.

Aliendelea kusema kuwa, Ardhi clinic itafanyika katika ngazi ya mitaa ili kusogeza huduma za umilikishaji kwa wananchi ambapo mitaa mingi itafikiwa ikiwa ni pamoja na kufanya uhakiki wa taarifa zilizokusanywa wakati wa zoezi la urasimishaji.

Mradi huu pia umelenga kutoa hati kidigitali hivyo utahusisha pia zoezi la kubadilisha data kutoka katika mfumo wa zamani na kuzipeleka katika mfumo wa kidigitali

 Halikadhalika, utekelezaji wa Mradi huu utaanza rasmi kuanzia  tarehe 17/9/2023

Mratibu wa mradi ndg. JOHN ILOMO akitoa maelekezo kuhusiana na mradi wa World Bank utakavyofanya kazi katika Wilaya ya Ubungo