MSAKUZI NA SIKU YA AFYA NA LISHE KWA WATOTO

Posted on: April 4th, 2024

Mapema  April 4, 2024 mratibu wa lishe Manispaa ya Ubungo ndugu Beatrice Mossile kwa kushirikiana na kituo cha afya Mbezi wameshiriki zoezi la utoaji wa elimu ya afya na lishe kwa wananchi wa mtaa wa Msakuzi kata ya Mbezi

Akiongea katika zoezi hilo mgeni rasmi diwani wa viti maalumu Manispaa ya ubungo Mhe. Mwamfupe ameipongeza Manispaa ya Ubungo kwa kuandaa zoezi hilo muhimu kwaajili ya hatma ya afya za watoto

"Msingi mkubwa wa afya ya watoto ni lishe kwasababu lishe nzuri ni dawa, hivyo tuendelee kuzingatia lishe bora kwa watoto wetu kwa kuwaandalia chakula chenye mchanganyiko wa makundi yote ya chakula" alisema Mwamfupe

Nae mkurungenzi wa taasisi ya Nutrition Connect Tanzania Ndugu Jackline Kawiche ametumia jukwaa hilo kutoa rai kwa wazazi wa mtaa huo kutokukubali kurudi nyuma kwenye mpango wa kuwapa watoto wao lishe bora ili kuwa na jamii bora na taifa imara

Pongezi nyingi zimetolewa kwa wote walioshiriki kuratibu siku hiyo ya afya na lishe kwa mtaa wa msakuzi ikiwemo mratibu wa lishe Manispaa ya Ubungo, maafisa afya kituo cha afya Mbezi, taasisi ya Nutrition Connect Tanzania pamoja na wananchi wa mtaa huo