MSTAHIKI MEYA MANISPAA YA UBUNGO ASISITIZA UKUSANYAJI WA MAPATO

Posted on: October 29th, 2021

Mstahiki Meya Manispaa ya Ubungo Mheshimiwa Jaffary Juma Nyaigesha  amewasitiza  wajumbe wa baraza na wataalam  kuhakikisha wanasimamia ipasavyo ukusanyaji wa mapato ya Halmashauri kupitia vyanzo mbalimbali

Mstahiki Meya ametoa kauli hiyo  baada ya Halmashauri kukusanya shilingi bilioni 5.17 sawa na asilimia 18 badala ya asilimia 25 iliyopaswa kukusanywa katika kipindi Cha  robo ya kwanza ya mwaka wa fedha 2021/2022

" Kazi ya ukusanyaji  wa mapato ni yetu sote hivyo ni lazima tushikamane na kushirikiana kwa pamoja katika kuhakikisha tunasimami ukusanyaji wa vyanzo vilivyopo na kubuni vyanzo vipya" alieleza Jaffary

Kwa mwaka wa fedha 2021/2022 Manispaa ya Ubungo imekasimia  kukusanya jumla ya shilingi bilioni 27 ikiwa ni mapato ya ndani  kupitia vyanzo mbalimbali vya mapato fedha ambayo itatumika kwaajili ya matumizi ya utekelezaji wa miradi na shughuli nyingine za maendeleo

Aidha mstahiki Meya ametumia baraza ilo kuwaeleza wajumbe kuwa Halmashauri ya manispaa ya Ubungo imepata tuzo ya kuwa Halmashauri Bora Tanzania katika  matumizi ya  TEHAMA  iliyotolewa tarehe  22, oktoba,2021  jijini Arusha  kwenye  Mkutano Mkuu wa TEHAMA wa mwaka