MSTAHIKI MEYA NDANI YA BANDA LA 8'8 MOROGORO

Posted on: August 8th, 2024

Ikiwa ni siku ya Kilele Cha maonesho ya nanenane  katika Mkoa wa morogoro  tarehe 8/8/2024 Mstahiki Meya Manispaa ya Ubungo Jaffari Nyaigesha ametembelea banda la Ubungo na kujionea ubunifu wa wajasiriamali wa Ubungo katika maonesho hayo

Meya Nyaigesha amewapongeza wajasiriamali na wakulima waliopo katika banda la Ubungo kwani vipando vimependeza na kueleza jinsi Ubungo ilivyofanya vizuri katika masuala ya ufugaji hasa kwa uwepo wa mbuzi wa maziwa na kuku wa mapambo

Wakulima na wafugaji katika Banda la Ubungo wameyatendea haki maonesho haya kwa ubunifu na uzuri wa vipando vilivyopo kwani Kuna kila aina ya mboga. Alisema hayo Meya Nyaigesha

Pia ubungo ipokea ugeni wa viongozi mbalimbali akiwemo Mkuu wa Wilaya ya  kinondoni Mhe Saad Mtambule  akiongozana na Mstahiki Meya wa Manispaa ya kinondoni Songoro Mnyonge na wao pia wamepongeza wakulima na wajasiriamali wa Ubungo kwa ubunifu katika vipando na bidhaa wanazalisha

Aidha, viongozi wa chama kutoka Wilaya ya Ubungo wakiongozwa na Mwenyekiti wa chama Cha mapinduzi Wilaya ya Ubungo Mhe.Rogati Mbowe wametembelea katika Banda la Ubungo na kuwapongeza wajasiriamali hao Kwa ubunifu pamoja na uongozi wa Ubungo kwa kusimamia vyema maonesho hayo.