NARIDHIKA NA NAMNA HUDUMA ZA AFYA ZINAVYOTOLEWA

Posted on: April 8th, 2025

Hayo yamesemwa  tarehe 8 aprili, 2025  na Mkuu wa Wilaya Ubungo Mhe.Lazaro Twange ikiwa ni maadhimisho ya wiki ya afya Kitaifa na maadhimisho hayo yamefanyika katika viwanja vilivyopo katika Ofisi ya Mkuu wa Wilaya ya Ubungo ambapo watumishi kutoka Idara ya Afya, Ustawi wa jamii na lishe Manispaa ya Ubungo  wametoa huduma mbalimbali za upimaji wa magonjwa bure na elimu ya masuala ya afya.

Akizungumza katika maadhimisho hayo Dc Twange, amewataka watoa huduma za afya kuendelea kufanya kazi kwa weledi zaidi kwani ongezeko la watu ni kubwa na uhitaji wa huduma za afya ni mkubwa zaidi

Vilevile Twange, amesema kuwa, Ubungo inajivunia maendeleo ya Sekta ya afya kutoka ilipokuwa awali na sasa iliivyoendelea kuimarika kwa utoaji wa huduma na ubora wa miundombinu.

Ubungo mpaka Sasa inajivunia uboreshaji wa miundombinu ya afya ambapo huduma za afya mpaka sasa zimeboreshwa ikiwemo uwepo wa Vifaa tiba, magari ya kubeba wangonjwa (ambulance). alisema hayo Dc Twange

Akizungumza katika tukio hilo, Mganga Mkuu Manispaa ya Ubungo Dkt.Tulitweni Mwinuka amesema kuwa, Idara ya afya kwa ujumla ina vituo vya afya 5 , zahanati 17 na hospitali 2, ambayo ni hospitali  ya Wilaya iliyopo Kimara Baruti na hospitali ya sinza na kliniki ya mama na mtoto iliyopo Msakuzi na vituo hivyo vya afya vinatoa huduma na hali ni nzuri na wataalam wa kutoa huduma wapo na wanaendelea na kazi. 

Kwa upande wa masuala ya usafirishaji Dkt. Mwinuka amesema kuwa kuna jumla ya magari manne (ambulance) ambazo zinatumika kubeba wagonjwa wa rufaa hivyo, Ubungo inajivunia maendeleo yanayoendelea kupatikana katika Idara ya afya, ustawi wa jamii na lishe katika Manispaa ya Ubungo

Na katika siku hiyo muhimu ya maadhimisho ya afya Kitaifa magonjwa mbalimbali yamepimwa bure ikiwemo, saratani ya mlango wakizazi, homa ya ini na VVU, uchunguzi wa afya ya kinywa na meno, kisukari, shiniko la damu, elimu ya ustawi wa jamii, uchangiaji wa damu, elimu ya magonjwa yasiyoambukiza na ya mlipuko

Aidha, katika maadhimisho ya siku hiyo muhimu wananchi wengi wamejitokeza na mmoja wa  wananchi hao Bi.Aisha Rajabu ameipongeza Idara ya afya kwa huduma nzuri zinazotolewa