NMB WATEMBELEA UBUNGO

Posted on: July 4th, 2023

Julai 04, 2023 baadhi ya viongozi wa benki ya NMB kutokea makao makuu na ofisi za kanda za benki hiyo wamefika katika ofisi ya mkurugenzi wa Halmashauri ya Manispaa ya Ubungo iliyopo Luguruni kata ya Kwembe kwaajili ya kujitambulisha kwa mkurugenzi huyo mpya

Aidha kikao hicho wamekitumia kutoa dira na mipango yao ya maendeleo kwa Manispaa ya Ubungo na wamemuhakikishia Mkurugenzi huyo utayari wao wa kushiriki shughuli mbalimbali za maendeleo ili kutatua changamoto mbalimbali kwa wananchi wa Manispaa ya Ubungo

Kwa upande wa mkurugenzi wa Halmashauri ya Manispaa ya Ubungo Elias Ntiruhungwa ametoa shukrani za dhati kwa benki ya NMB na amesema kuwa milango ya ushiriki wa pamoja wa shughuli za maendeleo kwa Manispaa hiyo iko wazi na Manispaa ya Ubungo itatoa ushirikiano wa dhati kwa benki hiyo na wadau wengine wa maendeleo