PROGRAMU YA JENGA PAMOJA MBIONI KUANZA KUTEKELEZWA UBUNGO

Posted on: May 23rd, 2024

Kufuatia hali mbaya ya miundombinu ya barabara katika wilaya ya Ubungo ambayo imesababishwa na mvua nyingi zilizonyesha katika mkoa wa Dar es Salaam, Halmashauri ya Manispaa ya Ubungo imekuja na mpango maalumu wa ukarabati wa barabara hizo kwa kushirikiana na wananchi 

Hayo yamesemwa Mei 23, 2024 katika mkutano wa baraza la madiwani wa robo ya tatu wa kupokea taarifa za kamati mbalimbali kupitia shughuli za maendeleo zilizotekelezwa katika kipindi cha mwezi Januari - Machi mwaka 2024

Akiongea katika mkutano huo mstahiki meya wa Manispaa ya Ubungo Mhe. Jaffary Nyaigesha ameeleza kuwa tayari hatua kadhaa zimeshaanza kuchukuliwa na Halmashauri hiyo ikiwemo kuanza kupeleka fedha za programu hiyo katika akaunti za kata husika ili shughuli ya ukarabati kuanza rasmi

Katika hatua nyingine baraza limeitaka TARURA kuja na mpango madhubuti wa ushirikiano wa pamoja na Halmashauri katika kukarabati miundombinu ya barabara ndani ya Halmashauri ya Manispaa ya Ubungo pamoja na utoaji uelewa kwa wananchi juu ya maendeleo ya mradi wa DMDP unaotarajiwa kuanza mapema kutoka sasa

Baraza limepata nafasi ya kupokea taarifa kutoka kamati ya mipango miji, kamati ya UKIMWI, kamati ya huduma za jamii pamoja na kamati ya Fedha ambapo taarifa hizo zimepokelewa na kujadiliwa na madiwani