RAIS KAUPIGA MWINGI, WATUMISHI UBUNGO WAMSHUKURU

Posted on: August 5th, 2022

Watumishi Manispaa ya Ubungo wamemshukuru Mhe. Rais wa Jamuhuli wa Muungano wa Tanzania Samia Suluhu Hassan kwa utendaji kazi wake ikiwemo kuboresha maslahi ya watumishi wa umma kwa kipindi cha mwaka mmoja tangu aingie madarakani.

Akiongea kwa niaba ya Watumishi wa Manispaa hiyo Naomi Masangopole mbele ya waandishi wa habari leo agosti 5, 2022 na kueleza mafanikio ambayo Rais ameyafanya  kwa kipindi Cha mwaka mmoja ikiwa ni pamoja na  ongezeko la mishahara kwa watumishi wa umma, punguzo la madeni kwa upande wa mikopo ya Elimu ya juu  ambayo watumishi wengi walikua  wanadaiwa,

Watumishi wameendelea kumshukuru Rais kwa  kupandisha madaraja watumishi  ambapo kwa Manispaa ya Ubungo jumla  ya watumishi 2199 wamepandishwa madaraja ndani ya mwaka mmoja na kuleta watumishi wa  ajira mpya 68 kwa kada mbalimbali.

Pia, wamempongeza Rais kwa ongezeko la mishahara la 23.3 ambalo imelenga   kuwainua wenye viwango vya chini Cha mshahara  na kueleza  kuwa   jambo hilo ni kubwa kwani linaendelea kutengeneza usawa baina yetu na kuongeza ari ya kufanya kazi

"Sisi kama watumishi tunamuahidi mheshimiwa Rais kuendelea kuchapa kazi kwani tunamuelewa dhamira yake" waliahidi watumishi hao.

Aidha, watumishi hao wamewapongeza viongozi wa Wilaya hiyo wakiongozwa na  Mkuu wa Wilaya na Mkurugenzi  kwa uongozi wao makini katika kumsaidia mheshimwa Rais kutekeleleza mjukumu yake ya kuhudumia wanannchi hususani usimamizi wa miradi na ukusanyaji wa mapato.

Pia watumishi hao wametumia nafasi hiyo  kuwakumbusha watumishi wa umma, viongozi wa dini na wananchi kwa ujumla kushiriki katika zoezi la Sensa ya Watu na Makazi litakalofanyika tarehe 23.8.2022 kutokana na umuhimu wake  kwa maendeleo ya Taifa letu.