RAS DSM ATATUA CHANGAMOTO YA WAFANYABIASHARA MANZESE, ATOA MAAGIZO

Posted on: May 22nd, 2024

Kutokana na uwepo wa malalamiko ya wafanyabiashara katika Soko la Manzese kuhusiana na changamoto ya kutokulipa kwa ukamilifu ushuru wa huduma (Service Levy) na kupelekea wafanyabiashara wa soko hilo kufunga biashara zao, Katibu Tawala Mkoa wa Dar es Salaam Ndg. Toba Nguvile amemuagiza Mkurugenzi wa Manispaa hiyo kufanya mahesabu upya na wafanyabiashara hao na kuanza kulipa madeni kuanzia mwaka 2021.

Agizo hilo limetolewa baada ya Halmashauri kufanya zoezi la ufatiliaji wa wadaiwa sugu wa Kodi ya ushuru wa huduma (Service levy) ambapo wafanyabiashara wengi walionekana kuwa na malimbikizo ya madeni ya muda mrefu.

Maelekezo hayo yametolewa Leo tarehe 22 Mei, 2024  kwenye kikao kati ya Ras, viongozi wa chama na Serikali pamoja na wafanyabiashara wa soko la  Manzese kilichofanyika katika ukumbi wa Manispaa ambapo Ras aliwataka wafanyabiashara kuelewa kuwa ushuru wa huduma upo kwa mujibu kwa Sheria na  mabadiliko ya Sheria hiyo yanahitaji mchakato na kuwataka kwa Sasa kuendelea kulipa ushuru huo kama Sheria inavyoelekeza.

Serikali inathamini wafanyabiashara na ndo mana inaweka Mazingira mazuri ya wafanyabiashara kwani wana mchango mkubwa katika maendeleo ya nchi".amesisitiza Nguvile

Na pia Ras amemuagiza Mkurugenzi wa Manispaa hiyo kusimamia zoezi la utoaji elimu kwa wafanyabiashara ikiwemo elimu ya mlipa Kodi  na ufafanuzi wa Sheria mbalimbali za biashara ikiwemo Sheria ya ushuru wa  huduma.

Kwa upande wake Mkurugenzi wa Manispaa ya Ubungo Ndg. Aron Kagurumjuli amewapongeza wafanyabiashara wa Ubungo kwa kuwa wanalipa Kodi vizuri bila ya shuruti na kusema kuwa Ubungo ina jumla ya wafanyabiashara 23,000 kati yao wafanyabiashara wa kati na wadogo ni elfu 22,000 na wafanyabiashara wakubwa ni 596.

"Kwa takwimu hizi Kati ya wafanyabiashara wakubwa 596 wanaolipa ushuru wa huduma ni 563 na wasiolipa vizuri ni 33 ambao ndio wadaiwa sugu hivyo maelekezo yaliyotolewa na Ras yatazingatiwa ili kuhakikisha wote wanalipa madeni hayo" alisema hayo Kagurumjuli