RC CHALAMILA AFANYA ZIARA NA KUTATUA KERO ZA WANANCHI WA JIMBO LA KIBAMBA

Posted on: August 13th, 2024

Mkuu wa Mkoa wa Dar es salaam Mheshimiwa Albert Chalamila amefanya ziara katika Wilaya ya Ubungo  tarehe 13/8/2024 na kuanza kutembelea jimbo la kibamba  ambapo ametembelea mradi wa ujenzi wa nyumba ya Mkurugenzi inaojengwa katika Kata ya Kwembe na kupongeza hatua ya mradi huo unaogharimu kiasi Cha shilingi milioni 666,687,124.00 mpaka utakapokamilika ikiwa ni pamoja na ujenzi wa uzio wa nyumba hiyo ambao mpaka Sasa umekamilika kwa asilimia 100

Akikagua ujenzi wa nyumba hiyo Chalamila amepongeza Manispaa kwa kukamilisha mradi huo ambao umejengwa kwa kuzingatia viwango sahihi na amemuagiza mhandisi kusimamia hatua za mwisho za mradi huo zilizobakia kwa haraka  ili Mkurugenzi aweze kuingia

Na pia RC Chalamila  ametembelea ujenzi wa barabara inayojengwa na Tanroads yenye urefu wa km 3 kuanzia Goba njia nne mpaka Temboni pamoja na matengenezo ya barabara ya changarawe toka matosa kanisani - Temboni  ambayo itaenda kutumika hadi miaka 20 ijayo kwani imejengwa kwa viwango na mpaka Sasa mradi umefikia kwa asilima 12

Ameagiza Tanroads kuhakikisha wanakamilisha mradi huo ambao wananchi wa maeneo hayo wataenda kunufaika nao na kuwaagiza LATRA kuanza kuandaa daladala ambazo zitaenda kupita katika njia hiyo na kurahisisha usafiri kwa wakazi wa maeneo hayo

"barabara hii inaenda  kuondoa changamoto ya msongamano wa magari niwapongeze Tanroads  na niwatake kufanya haraka mradi huu ukamilike" alisema hayo Chalamila

Na pia ametembelea katika Mradi wa  kuongeza msukumo wa maji  kwa wakazi wa  Kata ya kwembe, msigani na King'azi  uliogharimu kiasi Cha shilingi milioni 257,000,000.00  ambao unatekelezwa kwa mapato ya ndani ya Dawasa

Mradi huo una uwezo wa kunufaisha wananchi 6000 wa maeneo ya malamba mawili, kwembe, King'azi B, Njeteni, Tawalani na Kwembe

Baada ya ziara hiyo Rc Chalamila amefanya mkutano wa hadhara katika eneo la Makuti katika Kata ya msigani na kuongea na wananchi wa Kata zote za jimbo la Kibamba pamoja na kutatua kero na changamoto za wakazi hao

Ikumbukwe kuwa ziara ya RC Albert Chalamila ni ya siku mbili ambapo kesho tarehe 13/8/2024 atamalizia jimbo la Ubungo