RC CHALAMILA AISISITIZA UBUNGO KUONGEZA UBUNIFU

Posted on: January 14th, 2024

Mkuu wa Mkoa wa Dar es salaam Mhe. Albert Chalamila ameitaka timu ya menejimenti ya Manispaa ya Ubungo kuwa wabunifu katika utekelezaji wa majukumu yao na hivyo kuleta matokeo chanya juu ya utoaji wa huduma kwa wananchi.

Hayo ameyasema tarehe 14/02/2024 alipokuwa kwenye kikao cha kupitisha rasimu ya mpango na bajeti kwa mwaka wa fedha 2024/2025 kilichofanyika katika ukumbi wa mikutano wa Manispaa hiyo.

Mhe. Chalamila amewataka wataalamu wa Manispaa hiyo kuendelea kushirikiana vyema na kuzingatia ushauri na mapendekezo yaliyotolewa juu ya uboreshaji wa bajeti hiyo ili kuleta tija na hivyo kuweza kuzingatia vipaumbele vya wananchi.

Akiwasilisha taarifa ya rasimu ya mpango na bajeti kwa mwaka wa fedha 2024/2025 Ndg. Andambike Kyomo Mkuu wa Idara ya Mipango na Uratibu ameeleza kuwa Manispaa hiyo katika mwaka wa fedha 2024/25 inatarajia kukusanya/kupokea na kutumia  fedha kiasi cha Tsh 134,862,304,240.00 makisio haya ni sawa na ongezeko la asilimia 16.6 ukilinganisha na bajeti ya mwaka 2023/2024.

Kati ya fedha hizo Tsh.93,495,304,240.00 ni Ruzuku kutoka Serikali Kuu, Tsh. 41,367,000,000.00 ni fedha za makusanyo ya ndani ya Halmashauri,  na Tsh. 771,399,000.00 ni Michango ya wanachi Bajeti hii ya mwaka 2024/25 inaongzeko la asilimia 15.4 ukilinganisa na bajeti ya mwaka 2023/24.

Kyomo ameendelea kueleza kuwa Shilingi 41,367,000,000.00 ambazo ni fedha za mapato ya ndani ya Halmashauri zinajumuisha kiasi cha Shilingi 21,870,348,300.00 kuwa ni fedha za matumizi mengineyo na shilingi 18,725,252,700.00 kwa ajili ya utekelezaji wa miradi ya Maendeleo huku shilingi 771,399,000.00 zikiwa ni nguvu za wananchi.

Sambamba na hayo Kyomo ameeleza kuwa katika bajeti hiyo Manispaa ya Ubungo imependekeza maeneo matano ya vipaumbele yatakayozingatiwa ikiwemo Kuboresha makusanyo ya mapato ya ndani, Kuboresha huduma za kijamii katika sekta ya Afya na Elimu, Kuboresha miundombinu ya barabara, Kuimarisha utawala bora na Kuimarisha usimamizi, ufuatiliaji na utoaji taarifa za utekelezaji wa shughuli za maendeleo.

Kwa upande wake Mkuu wa Wilaya hiyo Mhe. Hashimu Komba amesema Manispaa hiyo ipo tayari kufanyia kazi maboresho yote yaliyotolewa juu ya bajeti hiyo