RC CHALAMILA AKABIDHI CEMENT 100 NA MILLIONI 100 ZAHANATI YA SARANGA

Posted on: April 17th, 2025

Ikiwa ni siku chache toka Mkuu wa Mkoa wa Dar es Salaam Mhe. Albert Chalamila afanye ziara katika kata ya Saranga na kutembelea zahanati ya Saranga ambapo alitoa maagizo kwa Mkurugenzi wa Manispaa ya Ubungo kupeleka shilingi milioni 100 pamoja na mifuko 100 ya cement ili kumalizia zahanati hiyo

April 17, 2025 Mhe. Chalamila amekabidhi kiasi hicho cha fedha pamoja na mifuko hiyo ya cement kwa wananchi wa mtaa huo ambao wamekuwa wakikabiliwa na adha ya huduma za afya kwa kipindi kirefu

"Serikali inafanya Kila jitihada kusogeza huduma mbalimbali za jamii karibu. Na tayari MSD wameahidi kuleta vifaa tiba vyote vitakavyohitajika katika zahanati hii pindi itakapokamilika" alisema Chalamila

Akiongea katika hafla hiyo mkuu wa wilaya ya Ubungo Mhe. Lazaro Twange amemshukuru mkuu wa Mkoa kupitia ziara yake ambayo aliifanya April 09, 2025 katika Jimbo la Kibamba ambapo kero ya kutokamilika kwa zahanati hiyo iliibuliwa

Nae kaimu Mkurugenzi wa Manispaa ya Ubungo ndugu Kissa Mbilla amemhakikishia RC Chalamila kuwa Manispaa ya Ubungo itahakikisha inakamilisha ujenzi wa kituo hicho haraka kutoka sasa ambapo tayari fedha jumla ya shilingi milioni 100 zimeshaingizwa katika akaunti mama ya zahanati ya Upendo na mifuko 100 ya cement ikiwa imeshafika eneo la mradi

Akiongea kwa niaba ya wananchi wa Saranga, Bi. Rehema George ameishukuru serikali kwa jitihada za kuwasogezea maendeleo huku akiahidi wananchi kuendelea kushirikiana na serikali katika shughuli hizo za maendeleo