RC KUNENGE AKAGUA UTEKELEZAJI WA MIRADI UBUNGO, ATAKA JANUARI 2021 IANZE KUTUMIKA

Posted on: November 24th, 2020

Mkuu wa Mkoa wa Dar es Salaam Mhe.Aboubakar Kunenge  akiongozana na viongozi mbalimbali wa Chama na Serikali,leo tarehe 24 Novemba, 2020 amefanya  ukaguzi wa miradi ya maendeleo inayotekelezwa katika Manispaa ya  Ubungo ikiwemo ujenzi wa Hosipitali ya Wilaya na jengo la Utawala na kuagiza miradi hiyo kukamilika kwa wakati ili kuboresha utoaji wa huduma kwa wananchi.

Moja ya majengo ya mradi wa ujenzi wa Hospitali ya Wilaya ya Ubungo inayojengwa Kimara Baruti.

 Kunenge ameyasema hayo baada ya kukagua na kuridhika na hatua ya utekelezaji wa miradi hiyo, ambapo mradi wa ujenzi wa Hospitali ya Wilaya umefikia asilimia 60 ya utekelezaji huku jengo la utawala likiwa asilimia 85

Kunenge ameendelea kusema kuwa ,Miradi hiyo ni Kati ya miradi mkakati inayotekelezwa nchini inayolenga  kusogeza karibu huduma kwa wananchi.

RC Kunenge wa pili kushoto akitoa maelekezo wakati wa ukaguzi wa Jengo la Utalawa la Manispaa ya Ubungo eneo la Ruguruni Leo tarehe 24 Novemba, 2020

Kunenge ameeleza kuwa "Hospitali ya wilaya ikikamilika itawasaidia wananchi wa Ubungo kupata huduma za afya badala ya kwenda kituo cha afya Sinza, Kwa upande wa jengo la utawala la Manispaa itapunguza adha Kwa wananchi kupata huduma katika maaeneo tofauti hali iliyosababishwa na ukosefu wa jengo la ofisi linaloweza kutosha idara zote"

Kutokana na umuhimu huo, Kunenge ameagiza miradi hiyo kukamilika Kwa wakati ambapo Kwa mradi wa  Hospitali ya Wilaya ya Ubungo  unaojengwa na SUMA JKT kwa gharama ya shilingi bilioni 1.75 ameagiza ukabidhiwe januari 8, 2021 Kama mkataba unavyoelekeza ili wananchi waanze kupata huduma.

"Ifikapo januari 30,2021 naagiza idara zote za  Manispaa wa Ubungo ziwe zinatoa huduma Kwa wananchi katika jengo hili jipya la utawala" amesisitiza Kunenge

Kwa upande wake Mkuu wa Wilaya ya Ubungo Kisare  Makori  ameahidi kuendelea kusimamia miradi hiyo ili ikamilike Kwa wakati na kuanza kutoa huduma Kama Serikali ilivyokusudia

Meneja wa mradi wa UJENZI wa hospiatali ya wilaya ya Ubungo Nuru Liyau (alivaa blauzi ya kitenge)  akitoa maelezo ya utekelezaji wa Mradi huo kwa RC Kunenge

Kwa upande wake Mbunge wa Jimbo la Ubungo Mhe. Kitilya Mkumbo amesema, ujenzi wa hospitali ni Kati ya vipaumbele ambavyo aliahidi Kwa wananchi hivyo kukamilika kwake ni utekelezaji wa ahadi hiyo ambayo inaelezwa kwenye ilani ya chama cha Mapinduzi.

"Nawapongeza Manispaa ya Ubungo kwa usimamizi mzuri wa miradi kwani inajengwa Kwa viwango na Kwa wakati" anasema Mhe Mkumbo