RC KUNENGE APOKEA MSAADA WA MIFUKO YA SARUJI 800

Posted on: January 21st, 2021

Mkuu wa Mkoa wa Dar Es salaam, Abubakar  Kunenge leo januari 21, 2021 amepokea msaada wa mifuko 800 ya saruji kutoka kiwanda cha Saruji cha Twiga   jijini Dar Es salaam kwa ajili ya kuboresha miundombinu ya madarasa ya shule za msingi na sekondari za Manispaa ya Ubungo.

Mara baada ya kukabidhiwa msaada huo katika eneo la kiwanda hicho,  Kunenge amemkabidhi mifuko hiyo ya saruji Mkuu wa Wilaya y Ubungo mhe. Kisare Makori kwa ajili ya kukarabati  madarasa chakavu na ujenzi mpya wa madarasa katika shule za Manispaa  ya Ubungo ikiwemo shule ya msingi King'ongo inayoendelea na ujenzi wa madarasa 9 kwa sasa.

Rc Kunenge akikagua mradi wa ujenzi wa madaraka 9 shule ya msingi king'ongo 

Kunenge amekishukuru kiwanda cha saruji cha Wazo hill kwa msaada  huo hasa katika kipindi hiki cha mwanzo wa mwaka ambacho shule zinapokea wanafunzi wa awali, darasa la kwanza na  kidato cha kwanza hivyo uhitaji wa miundombinu ya madarasa ni mkubwa sana.

Kwa mwaka huu 2021,Kunenge ameeleza kuwa kutokana na mafanikio ya sera ya elimu bila malipo Mkoa wa Dar Es salaam umeandikisha  jumla ya wanafunzi elfu 78  kwa ajili ya kujiunga  na darasa la kwanza.

Kutokana na idadi ya uandikishwaji huo kuwa mkubwa  umepelekea Mkoa  kuwa na upungufu wa madarasa 337  kwa shule za sekondari ambapo madarasa hayo yameanza kujengwa na yapo katika hatua mbalimbali na yanatarajia kukamilika mwishoni mwa mwezi februari.

Kunenge amesema  kuwa "Nina amini,  kwa Wilaya ya Ubungo mifuko hii ya saruji niliyowakabidhi itakwenda kutatua kabisa changamoto ya madarasa kwa shule za msingi na sekondari,  kaitumieni vizuri" 

Maendeleo ya ujenzi wa madarasa katika shule ya msingi king'ongo