RC MAKALLA AKAGUA KIWANDA CHA CHIBUKU KILICHOSIMAMA UZALISHAJI TOKA MWAKA 2018

Posted on: February 13th, 2023

Mapema leo Februari 13, 2023 mkuu wa Mkoa wa Dar es Salaam Mhe. Amos Makalla amefanya ziara ya kukagua eneo lililokua kiwanda cha Chibuku kilichopo Ubungo ambacho kilikuwa kinazalisha kinywaji aina ya Chibuku. 

RC Makalla amefanya ziara hiyo baada ya kiwanda hicho kusimama uzalishaji wake tangu mwaka 2018 ambapo kilikua kinamilikiwa na kampuni ya TBL kwa kushirikiana na Manispaa ya Temeke, Ilala na Kinondoni 

Ikumbukwe kuwa mwaka 2016 wakati wa kuundwa wilaya mpya ya Ubungo, kwenye mgawanyo wa Mali na madeni, umiliki wa kiwanda hicho ulitakiwa kuhamia Wilaya ya Ubungo lakini mpaka sasa bado hilo halijafanyika na badala yake umiliki wa kiwanda kwenye nyaraka za serikali bado unaonesha kinamilikiwa na Manispaa ya Temeke, Kinondoni na Ilala 

Aidha Mhe. Makalla amesema kuwa kusimama kwa kiwanda hicho kunaikosesha serikali mapato, ajira kwa vijana pamoja na kupunguza soko la Mahindi ambayo ndo malighafi kuu ya kutengenezea kinywaji hicho 

"Kiwanda hiki kimesimama kwa muda mrefu sasa na wawekezaji wapo tayari kukifufua kiwanda hiki ili kianze kufanya kazi na kuipa maslahi makubwa serikali. Ni lazima wabia wote tukutane kuanzia kampuni ya TBL, na Manispaa zote za jiji la Dar es Salaam ili kujadili umiliki wa kiwanda hiki pamoja na mikakati ya kukifufua kwa kushirikiana na wawekezaji ambao wapo tayari kuwekeza" Alisema Makalla 

RC MAKALLA  akikagua maeneo mbalimbali  ya eneo la kiwanda cha chibuku

Kikao cha kuwakutanisha wabia kitafanyika kesho Februari 14, 2023 katika ukumbi wa DMDP ambapo mustakabali wa Kiwanda hicho utafikiwa na tayari kuanza mikakati ya kukifua na kazi

ReplyForward