RC MAKALLA ATOA TAHADHARI YA CORONA

Posted on: June 24th, 2021

Mkuu wa Mkoa wa Dar es Salaam Amos Makalla amewataka wananchi wa Mkoa huo kuchukua  tahadhali  ya ugonjwa wa CORONA kutokana na uwepo wa  awamu ya tatu ya mlipuko wa  ugonjwa huo  Duniani na nchi jirani za Afrika.

Tamko hilo amelitoa mbele ya waandishi wa habari  na viongozi wa Mkoa huo leo juni 24,2021 kwenye Mkutano  uliofanyika  katika ukumbi wa mikutano wa Manispaa ya Ubungo na kueleza kuwa kutokana na uwepo wa mlipuko mpya wa ugonjwa huo ni vema watu wakaanza kuchukua tahadhari kama awali ili kuzuia maambuki ya ugonjwa huo

Aidha alisema kuwa "Kutokana na mwingiliano mkubwa uliopo Kati ya Mkoa wetu na  mikoa mingine na nchi jirani napenda kuchukua Fursa hii kutoa rai kwa wananchi wa Dar es Salaam kuchukua tahadhari ya kujinga na maambukizi ya Corona"

Aliendelea kusisitiza Wananchi kuvaa barakoa kila wakati kwenye mikusanyiko ya watu wengi ikiwemo kwenye vyombo vya usafiri, sokoni, kwenye sherehe madarasani na maeneo mengine.

"Unawaji wa mikono kwa maji tiririka, matumizi ya vitakasa mikono, kufunika midomo na pua wakati wa kupiga chafya na kuzingatia umbali wa mita moja kati ya mtu na mtu  ni Kati ya hatua za tahadhari zinazopaswa kuzingatiwa na wananchi ili kupunguza maambukizi ya ugonjwa huo" Aliongeza Makalla

Pia alisisitiza kuwa  wazee ambao tunaishi nao na wale ambao Wana maradhi ya kudumu Kama kisukari, ukimwi n.k tunapaswa kuwakinga ili wasiweze kupatwa na ugonjwa huu. Alisema  Makalla

"Mambo ya kuzingatiwa ni ulaji wa mlo kamili, utumiaji wa matunda na kufanya mazoezi" Aliongeza Makalla

Naomba nisinukuliwe vibaya sijasema mtu asifanye kazi nimeagiza tahadhali kuchukuliwa na si vinginevyo. Alisisitiza  Makalla

Alikadhalika aliwaagiza wakurugenzi, wakuu wa wilaya, wakuu wa taasisi za umma na binafsi na vyombo vya ukinzi na usalama kuhakikisha wanasimama ipasavyo maagizo hayo .