SHULE 7 ZA SEKONDARI UBUNGO ZAKABIDHIWA VITI NA MEZA 500

Posted on: January 28th, 2021

Katika kuhakikisha wanafunzi hasa  wa kidato cha Kwanza  wanasoma katika mazingira mazuri, Manispaa ya Ubungo leo januari 28, 2021 imekabidhi Vita na meza 500 Kwa shule za Sekondari  7 ikiwa ni hatua za kukabiliana na changamoto ya upungufu wa Viti na meza kwenye shule hizo.

Akikabidhi Viti na meza hizo Kwa wakuu wa shule hizo 7, Kaimu Mkurugenzi wa Manispaa hiyo Rose Mpeleta  amewataka walimu kutunza samani hizo ikiwa ni pamoja na kufanya matengenezo pindi vinapoharibika

Mpeleta amesema kuwa , Manispaa inaendelea kutengeneza miundombinu ya Shule za Msingi na Sekondari ikiwemo ujenzi wa madarasa, vyoo na utengenezaji wa samani ili wanafunzi wawe katika mazingira bora ya kujifunza na kujifunzia

"Huu ni mwendelezo wa hatua za Manispaa kutekeleza katika kuhakikisha shule zote za msingi na Sekondari  wanafunzi hawakai chini" alisema Mpeleta