SIKU 14 ZATOLEWA KWA WAFANYABIASHARA BARABARANI MAGUFULI BUS TEMINAL KUONDOKA

Posted on: December 7th, 2024

Maagizo hayo yametolewa na Meneja wa kituo kikuu cha Mabasi Magufuli Ndg. Isack Kisebo kwa wafanyabiashara  wanaofanya biashara juu, chini na pembezoni  mwa daraja lililopo karibu na kituo hicho kuondoka katika eneo hilo na kwenda maeneo yaliyotengwa kwa ajili ya biashara ndani ya Manispaa hiyo kwa muda wa siku 14.

Kisebo ametoa maelekezo  kwa wafanyabiashara hao  disemba 7, 2024 kwenye kikao kilichofanyika  darajani hapo ambapo wafanyabiashara hao wamekiri kuwa eneo hilo sio rasmi kwa ajili ya kufanya biashara hivyo watajadiliana na kupeleka mapendekezo ya mahali sahihi pa kufanyia biashara zao.

" Ufanyaji wa biashara eneo hili haukubaliki kwani unahatarisha usalama wa abiria na wateja  wa kituo hiki kikubwa cha mabasi nchini, hivyo ndani ya siku 14 leteni mapendekezo mnataka kwenda sehemu gani lakini eneo hili hapana" alisisitiza Kisebo

Aidha, Kisebo amewakumbusha wafanyabiashara hao kuwa kwa mujibu wa sheria eneo hilo haliruhusiwi kujenga vibanda hivyo viongozi wao watambue kuwa vibanda vyote vinatakiwa kuondolewa katika kipindi kilichopangwa kinyume na hapo sheria itachukua mkondo wake

Abiria wengi wanaibiwa na kutapeliwa na watu eneo hili hali inayoshusha hadhi ya kituo, hivyo ndani ya siku 14 mlizopewa  kila mmoja awe ameondoka na kwenda maeneo rasmi  ikiwemo soko la wajasiliamali magufuli, soko la mbezi shule, soko la kwa beda na masoko mengine ili wafanye biashara zao kwa utaratibu"

Kwa upande wake mbwana  Binjua Binjua mmoja wa wafanyabiashara katika eneo hilo la darajani amekiri kuwa eneo hilo sio rasmi kwa biashara na hivyo watakaa kikao ili ndani ya siku 14 waende kwenye maeneo yaliyopangwa kwa ajili ya wafanyabiashara