SIKU YA KWANZA YA ARDHI CLINIK , HATI 158 ZATOLEWA

Posted on: November 13th, 2023

Ikiwa ni siku ya kwanza ya Zoezi la ardhi cliniki, Manispaa ya Ubungo

imefanikiwa kutoa  jumla ya hati 158 na migogoro 43 imetatuliwa na kati ya migogoro iliyotatuliwa ni pamoja na wanandugu watatu waliofanikiwa kupata hati ya pamoja yaani( Joint Occupier) yenye majina yao wote watatu ikiwa onyesha umiliki wa pamoja wa kiwanja hicho

Katika zoezi hilo pia mwananchi Bi.Apolonila Temba mkazi wa "Tegeta A" amefanikiwa kupata Hati sita kwa pamoja za viwanja sita anavyomiliki na kuishukuru serikali ya awamu sita kwa kuendesha zoezi hilo linalowanufaisha wananchi kwa kusaidia upatikanaji wa hati chapu chapu

"Kupata hati sita kwa wakati mmoja sio rahisi, hivyo serikali imefanya jambo la muhimu sana" amepongeza Bi.Apolonila Temba

Akiongea katika zoezi hilo, Mkuu wa Idara ya  Ardhi Manispaa ya Ubungo Ndg. Fadhili Hussein amewapongeza wananchi waliojitokeza kupata hati kwani hati nyingi zimetolewa na pia amewakaribisha  kuendelea kujitokeza  katika zoezi hilo litakalofanyika kwa muda wa siku 25 katika Manispaa hiyo.

Hussein, ameendelea kuwaasa wananchi kutumia fursa hiyo kwani inalenga kusaidia wananchi wote waweze kuwa na umiliki wa halali wa ardhi na kutatua migogoro ya ardhi kwani imekuwa katika maeneo mengi.

Aidha, Katika zoezi hili Manispaa ya Ubungo inatarajia kutoa hati miliki za ardhi 3419.