SUMA JKT CLEANING AND FUMIGATION WATOA VITI MWENDO 10 KWA AJILI YA WATU WENYE ULEMAVU UBUNGO

Posted on: March 9th, 2024

Katika kuadhimisha Siku ya Wanawake duniani  tarehe 8 March,2024  wanawake kutoka  Kampuni ya SUMA JKT Cleaning na Fumigation  wamekabidhi viti mwendo 10 vya watu wenye ulemavu wa Viungo ambavyo kati ya hivyo viti vinne ni vya miguu mitatu na Viti sita ni vya miguu miwili

Akikabidhi Viti mwendo hivyo Mkurugenzi Mwendeshaji wa kampuni ya SUMA JKT CLEANING AND FUMIGATION kaptain Rosemary David Katani amesema kuwa lengo ni kujumuika kwa pamoja katika siku ya Leo ya wanawake na  kusaidia watu wenye ulemavu na wao waweze kupata Viti hivi kwaajili ya wao kusaidia katika majukumu yao ya kila siku za kiuchumi na kijamii ambapo kati ya hivyo wamekabidhi VITI 10 kati ya hivyo vya matairi matatu 4 na matairi mawili 6

Akipokea Viti mwendo hivyo Mhe. Mkuu wa Wilaya ya Ubungo Hashim Komba amewashukuru na kuwapongeza wakina mama hao wa SUMA JKT kwa kuwawezesha walemavu wa viungo kwa kuwapatia Viti mwendo vitakavyosaidia katika majukumu yao ya kila siku 

"Niwapongeze wanawake kwa siku hii ya Leo ambayo inawalenga wanawake wote kusherekea siku yao, SUMA Jkt wameonyesha jinsi gani mwanamke ni mtu mwenye huruma na upendo" alisema hayo Komba

SUMA JKT mmegusa maisha ya watu wenye ulemavu, mmegusa maisha ya watu wenye huitaji niwapongeze sana na mwenyezi Mungu awaongezee mlipotoa.alisema hayo Komba

Nae Afisa Ustawi Manispaa ya Ubungo Zainab Masilamba amewashukuru SUMA JKT kwa kuwawezesha wahitaji waliopo Manispaa ya Ubungo nakuwaomba kuendelea na moyo huo huo wakuja kuwatembelea wanaubungo

Akishukuru mmoja wa wanufaika waliopata Viti mwendo Bi.Rebecca  ameshukuru SUMA JKT Cleaning and Fumigation kwa kuwawezesha kupata Viti hivyo vitakavyotumika kuwasaidia  kwenye shughuli za kiuchumi na shughuli za kila siku