TAHADHARI YA HALI YA HEWA YAENDELEA KUTOLEWA

Posted on: November 5th, 2023

Mapema Novemba 5, 2023 mkuu wa wilaya ya Ubungo Mhe. Hashim Komba ametembelea maeneo mbalimbali ya wilaya hiyo yaliyoathirika na mvua zinazoendelea kunyesha katika jiji la Dar es salaam

Awali, DC Komba ametembelea mtaa wa Jitegemee kata ya Mabibo ambapo nyumba 8 ziliezuliwa na upepo wakati wa mvua ilonyesha usiku

Maeneo mengine yaliyoathirika na mvua ni Mburahati pamoja na mtaa wa carlifonia eneo la mto china ambapo eneo lote hilo limefurika maji hali inayopelekea wakazi wa maeneo hayo kukosa sehemu ya kuishi. Tayari DC Komba ameagiza wakazi hao wahamishwe kwa muda kupelekwa shule ya msingi Mianzini mpaka pale hali itakapokaa shwari

Kwa mujibu wa taarifa ya mamlaka ya hali ya hewa Tanzania (TMA) mvua hizo zitaendelea kunyesha katika kipindi hichi hivyo basi wananchi wanasisitizwa kuendelea kuchukua tahadhari

Nae diwani wa kata ya Makurumla Mhe. Bakari Kimwanga amemshukuru mkuu huyo wa wilaya kwa ziara hiyo na amepokea maelekezo yaliyotolewa tayari kwaajili ya utekelezaji ikiwemo kuhakikisha wananchi wa mtaa wa Carlifonia wanahama maeneo yao ili kuepusha madhara makubwa

Tayari DC Komba amemuagiza mkurugenzi wa Manispaa ya Ubungo chini ya mratibu wa maafa wa Wilaya hiyo kuahakikisha wanaongeza kina na kutanua mito yote ya wilaya ya Ubungo ili kupunguza athari za mafuriko hayo katika kipindi hiki na kijacho cha mvua hizo

pichani ni mafuriko katika eneo la mto china uliopo Kata ya Makurumla