TAKUKURU UBUNGO YAFANYA KIKAO NA BODABODA

Posted on: February 28th, 2025

Taasisiya kuzuia na kupambana na Rushwa TAKUKURU kwa kushirikiana na Halmashauri ya Manispaa ya Ubungo imeendelea kutoa mafunzo mbalimbali kwa chama cha waendesha bajaji na bodaboda kwa Manispaa ya Ubungo

Mafunzo hayo yameongozwa na mkuu wa TAKUKURU wilaya ya Ubungo Devotha Mihayo katika ukumbi wa Stazia mapema Leo Februari 26, 2025 na kuhudhuriwa na mtendaji kata ya Msigani, afisa maendeleo ya Jamii Msigani, maafisa biashara, viongozi wa chama cha Bajaji na bodaboda pamoja na wanachama wao

Mihayo ametumia jukwaa Hilo la maafisa usafirishaji wa kata ya Msigani kuwasisitiza juu ya umuhimu wa kufanya shughuli za kwa kufuata kanuni na taratibu za serikali, kujiepusha na vitendo vya Rushwa, kujali Afya zao pamoja na kuchangia mapato ya Halmashauri

"Maafisa usafirishaji mnalo jukumu la kujiunga vikundi ili serikali iweze kuwawezeshe kwenye shughuli zenu huku mkihakikisha mnajalinafya zenu kwa kuwa na bima za Afya" alisema mihayo

Awali meneja wa chanzo cha maegesho Manispaa ya Ubungo Pascal Peter amewataka maafisa usafirishaji  hao kuhakikisha wanalipia ada zao za maegesho ili kuwa na sifa zote za kupata fursa mbalimbali ikiwemo fursa kubwa ya mikopo.

Vigezo vya kikundi kupata usajili wa maegesho ya kikundi ni pamoja na kuwa na tin namba ya kikundi, katiba ya kikundi, barua ya kuomba usajili, kikundi kuwa na uongozi pamoja na sare. Aidha, ada ya Kila mwanachama katika kikundi ni shilingi 30,000 kwa mwaka

Nae afisa maendeleo kata ya Msigani Belia Benjamin ameeleza namna ya kupata MIKOPO ya asilimia 10% isiyo na riba ni kujiunga katika vikundi vya watu watano mpaka 30, kuwa na katiba, vitambulisho vya NIDA pamoja na usajili wa vikundi vyao ili kuwa tayari kupata mikopo hiyo