TAKUKURU UBUNGO YATOA ELIMU YA RUSHWA KWA WALEMAVU

Posted on: October 28th, 2025

Taasisi ya kuzuia na kupambana na rushwa TAKUKURU wilaya ya Ubungo, Oktoba 28, 2025 imekutana na kundi la walemavu na kuwapatia  elimu ya kukabiliana na vitendo vya rushwa katika shughuli zao wanazofanya Kila siku.

Kikao hicho kilichofanyika katika Ukumbi wa Ofisi za Takukuru wilaya ya Ubungo, Dar Es Salaam, kimekutanisha aina mbalimbali za walemavu ikiwemo walemavu wa kutokuona, walemavu wa ngozi, walemavu wa kutokusikia pamoja na walemavu wa viungo

Akifungua mafunzo hayo mkuu wa TAKUKURU wilaya ya Ubungo Bi. Devotha Mihayo ameeleza kuwa taasisi ya kuzuia na kupambana na rushwa TAKUKURU Ina majukumu mengi ikiwemo kuzuia, kupambana pamoja kutoa elimu ya rushwa kwa wananchi, hivo Leo hii imekuwa ni zamu ya kundi la walemavu hao kama Moja ya makundi muhimu katika jamii ambayo hukumbana na changamoto kadhaa za upataji huduma za kijamii

Ameongeza kuwa kama ilivyo kaulimbiu ya TAKUKURU ya "Kuzuia Rushwa ni jukumu lako na langu, tutimize wajibu wetu" inatoa nafasi ya Kila Mmoja wetu ikiwemo ndugu zetu walemavu Kushiriki jitihada hizo kwa kutokutoa au kupokea rushwa lakini pia kutoa taarifa popote atakapoona au kusikia viashiria vyovyote vya rushwa katika jamii zao