TATHIMINI YA NUSU MWAKA YA UTOAJI WA HUDUMA ZA AFYA YAFANYIKA

Posted on: February 9th, 2024

Idara ya afya,Ustawi wa jamii na lishe Manispaa ya Ubungo imefanya kikao kazi Cha  tathimini ya nusu mwaka (Julai - disemba 2023 ) ya utoaji wa huduma za afya  kwa jamii  kilichofanyika katika ukumbi wa Ngome  tarehe 9 Februali,2024

Akizungumza katika kikao hicho  Mganga Mkuu Manispaa ya Ubungo Dkt.Tulitweni Mwinuka  amesema kuwa lengo la kufanya tathimini ni kujifunza kutoka katika vituo vingine ili kupambana zaidi na zaidi ili kufikia malengo ya mwaka ambapo kila mmoja anajukumu la kuwasilisha kazi  alizozifanya kwa kipindi Cha miezi sita

"Tuko hapa kwa pamoja ili kila mmoja ajifunze kutoka kwa mwenzie kujua kituo Fulani kinafanya nini ili kuboresha utoaji wa huduma kwa jamii " alisisitiza Mwinuka

Aliendelea kueleza kuwa, Katika vituo ambavyo bado haviko vizuri vinastahili kujifunza kupitia vituo vinavyofanya vizuri zaidi na ndo dhumuni la kufanya tathimini kwa kuwa pamoja na kuangalia namna vituo,hospitali na zahanati zinazofanya kazi kwa waledi na kuwapa motisha.

Mwinuka aliendelea kwa kupongeza  kwa ufanyaji kazi mzuri unaondelea katika vituo na kusisitiza utumiaji wa mifumo katika vituo kwani ndo njia sahihi ambayo serikali inasimamia

kila mmoja aepukane na upokeaji wa pesa mkononi, tukusanye mapato kwa kutumi mfumo  katika vituo vyetu na kusimamia mapato yasipotee. Alisisitiza Mwinuka

Nae Mwenyekiti wa bodi ya Afya Manispaa ya Ubungo Allen Sempori  ameshukuru kwa niaba ya bodi kwa kutathimini iliyofanyika ambapo vituo vimewasilisha utekelezaji wa utoaji wa huduma kwa jamii  kwa kipindi Cha miezi sita ambapo vituo vingi vimefanya vizuri.