WENYEVITI WAPYA WA SERIKALI ZA MITAA MANISPAA YA UBUNGO WAAPISHWA

Posted on: November 29th, 2019

Hafla iyo iliyofanyika katika Ukumbi wa Urafiki uliopo jijini Dar Es Salaam na Kuhudhuliwa na Mkuu wa Wilaya ya Ubungo Mhe.Kisare Makori ambae alikuwa ndio mgeni rasmi pamoja na Mkurugenzi wa Manispaa ya Ubungo Bi.Beatrice Dominic na Msimamizi wa Uchaguzi wa kwa Wilaya ya Ubungo Bi.Kissa Mbilla na  kuhudhuliwa na wataalaam mbalimbali wa Manispaa. Mkasimamie ipasavyo mitaa yenu na mhakikishe mnafnya kazi ipasavyo na mkawe viongozi bora,hayo yalikuwa maneno ya Mkuu wa Wilaya ya Ubungo Mhe.Kisare Makori wakati akiapisha wenyeviti wa Mitaa waliochaguliwa katika uchaguzi  uliofanyika tarehe 24/11.   Mkawatumikie  wananchi ipasavyo  bila kujali itikadi za kisiasa wala  hali zao na mkawe  viongozi wa watu wote katika maeneo yenu, Mkatimize kauli ya Mhe.Raisi wa awamu ya tano Dk.John Pombe Magufuli  ya kufanya kazi na kuwatumikia wananchi ipasavyo na mkawe na misimamo sahihi katika kuongoza wanachi.

Mkawe na matumizi bora ya rasilimali za wananchi na  kutatua kero zao  mbalimbali na  kuhakikisha miradi yote ya maendeleo inatekelezwa kwa wakati na suala zima la utawala wa sheria, alisema Mkuu wa Wilaya.  Nae Mkurugenzi wa Manispaa ya Ubungo Bi.Beatrice Dominic awasisitiza wenyeviti wakawe viongozi bora na wahakikishe wanakuwa wasimamizi wazuri wa mapato katika mitaa yenu.