UBORESHAJI WA MASOKO UBUNGO NI KIPAUMBRLE

Posted on: September 29th, 2023

Uboreshaji stendi ya daladala katika soko la wajasiriamali la Mbezi Louis Maarufu kwa beda kwa lengo la kuvutia na kusogeza wateja karibu na soko hilo ni majibu  ya moja ya malalamikiko ya wajasiriamali wa soko hilo kwa muda mrefu.

Hayo yameelezwa na wajumbe wa Halmashauri Kuu  CCM (W) ya Ubungo wakati  wa ziara ya walipotembelea na kuona utekelezaji wa miradi ya maendeleo wilayani humo ambapo katika soko hilo Manispaa inaendelea na uboreshaji wa miundombinu ikiwemo uwekaji wa taa  na utengenezaji wa eneo la kupumzikia abiria katika stendi hiyo ili kuwa na mazingira bora kwa wateja na wafanyabiashara.

Pamoja na uboreshaji wa stendi ya daladala katika soko hilo, Manispaa pia ina mpango wa kujenga mifereji ya maji ili kuruhusu utiririshaji mzuri wa maji bila kuleta adha kwa wafanyabiashara

Akizungumza kwenye ziara hiyo Mwenyekiti wa Chama Cha Mapinduzi (CCM) Wilaya ya Ubungo ndugu Rogati  Mbowe amesema dhamira ya Serikali ni kuhakikisha wamachinga wanakuwa na mazingira mazuri ya kufanyia biashara zao na hivyo kuondoka kwenye mazingira yasiyo rasmi

Mbowe amesema "Tunawapongeza kwa usimamizi mzuri  katika kuboresha masoko yetu kwani hii ni sekta yenye watu wengi katika ukuzaji wa uchumi wa wananchi na Taifa kwa ujumla"

Akisoma taarifa ya mradi huo Afisa Mfawidhi Biashara na  Masoko wa Manispaa ndugu Geofrey Mbwama ameeleza kuwa Manispaa pia imejenga vyoo bora na  banda kwa ajili ya biashara za jumla sokoni hapo ili kuwawezesha wafanyabiashara wadogo kupata bidhaa karibu badala ya kufuata kwenye masoko ya mbali.

Mbwama ameeleza kuwa Soko hilo lina jumla ya vizimba 513 kati hivyo ni vizimba 238 tu ndo vinatumika, "hivyo maboresho haya tunaamini yatawavuta wajasiliamali kuja kufanya biashara kwatika soko hili kwani mazingira ni rafiki kwa wafanyabiashara na wateja"

Wajumbe wa Halmashauri kuu wakiwa katika stendi ya mabasi ya magufuli wakikagua mradi