UBUNGO BILA KIPINDUPINDU INAWEZEKANA

Posted on: May 5th, 2023

Timu ya wataalam wa afya wakutana kujadili namna bora ambayo wilaya ya ubungo inatumia na itaendelea kutumia ili kuepukana na janga la ugonjwa wa kipindupindu

Kikao hicho kimefanyika leo tarehe 5/ 5/ 2023  kilicho lenga kufanya mrejesho wa  hali ya utayari wa kukabiliana na mlipuko wa ugonjwa wa kipindupindu

Aidha, Wataalam katika kikao hicho  walipendekeza hatua mbadala ziendelee kutumika ikiwemo ma afisa afya waliopo katika kata kusimamia hali ya usafi katika maeneo yao

Na pia Maafisa elimu kata na waratibu elimu kata kupita katika mashule kuhakikisha  mazingira safi  kwaajili ya wanafunzi ambayo yatasaidia kuepukana na ugonjwa huo

Nae Mganga Mkuu wa Manispaa ya Ubungo Dkt.Tulitweni Mwinuka alisisitiza elimu kuendelee kutolewa mashuleni  kwenye masoko na sehemu mbalimbali kwa wananchi ili kuweka mazingira safi na kuepukana na ugonjwa huo

Kumbuka:  Usafi ni jukumu letu sote, tuweke mazingira safi na kufata taratibu na miongozo ya afya kwa kuhakikisha tunanawa mikono.