UBUNGO KUJA NA MKAKATI WA KUTOKOMEZA ZIRO

Posted on: March 9th, 2024

Mikakati iliyopo ni kuhakikisha Ubungo inaongoza katika upande wa elimu

Kauli hiyo imetolewa na Mkuu wa  Wilaya ya Ubungo Mhe. Hashim Komba alipokutana na Wadau wa elimu katika  kikao kilichofanyika katika ukumbi wa Nazak lengo likiwa ni kupanga mikakati ya kuboresha mipango ya elimu kwa Wilaya ya Ubungo

Akifungua kikao hicho Komba amesema kuwa Wilaya ya Ubungo ni kubwa ni lazima swala la Elimu liwe jambo ambalo linatiliwa kipaumbele na kupitia kikao hicho kinacholenga kuangalia namna gani Ubungo itaondokana na ziro ilikuongeza ufaulu

Katika swala zima la wanafunzi kuchangia michango shuleni kutakua na gharama ambazo zitakuwa rasmi na kutakua kiwango kidogo ambacho wazazi watatoa katika swala la ulinzi  na kuchangia chakula wanafunzi wanapokua mashuleni

"Nasisitiza swala la ufaulu wa wanafunzi ni lazima uongezeke" alisisitiza Komba

Akichanganua mpango wa kuboresha elimu mashuleni Afisa elimu Msingi Manispaa ya Ubungo Nyoni  amesema kuwa kulingana na wingi wa wanafunzi ndio italenga ni kiasi gani kinachostahili kutolewa na kila viwango hivyo havitakuwa vikubwa ili wazazi  wote waweze kuchangia